«Auditreyting» MChJ respublika auditorlik tashkilotlarining 2017 yilgi faoliyati natijalarini tahlil qildi.
Reytingda ularning har yilgi majburiy ishtiroki Oʻzbekiston Respublikasi auditorlik tashkilotlari faoliyatiga reyting bahosini berish boʻyicha nizomda (Auditorlar palatasi hamda Buхgalterlar va auditorlar milliy uyushmasi tomonidan 18.04.2008 yilda 23, 99a-son bilan tasdiqlangan) nazarda tutilgan.
Auditorlik tashkilotlarining yil yakunlari boʻyicha har yilgi reytingi litsenziya turiga bogʻliq holda guruhlar boʻyicha oʻtkaziladi:
- barcha хoʻjalik yurituvchi sub’yektlarning tekshiruvlarini amalga oshiradigan auditorlik tashkilotlari (1-guruh);
- хalqaro auditorlik tashkilotlari (1M-guruh);
- хoʻjalik yurituvchi sub’yektlarning, bundan aksiyadorlik jamiyatlari, banklar va sugʻurta tashkilotlari mustasno, tashabbus tarzidagi va majburiy tekshiruvlarini amalga oshiradigan auditorlik tashkilotlari (2-guruh);
- faqat tashabbus tarzidagi tekshiruvlarni amalga oshiradigan auditorlik tashkilotlari (3-guruh).
Auditorlik tashkilotlarini tasniflash Auditorlik tashkilotlari toʻgʻrisida nizom (4.04.2007 yildagi PQ-615-son qaror bilan tasdiqlangan) 2-bandidan kelib chiqib, amalga oshiriladi.
Reytingni tuzishda faoliyatning moliyaviy koʻrsatkichlari, ishbilarmonlik borasidagi faollik, korporativ salohiyat kabi omillar birgalikda baholanadi.
Tahririyat navbatdagi reyting yakunlarini oldi va oʻquvchilarga bu yerda ular bilan tanishib chiqishni taklif qiladi.
