Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
buxgalter.uz da yangi:Korхonada mehnatga haq toʻlash tizimini qanday oʻzgartirish mumkinAgar QQS hisob-kitobida tizimli хatolar chiqsa, nima qilish kerak

Davlat dasturiga huquqiy-me’yoriy koʻmak

17.03.2016

Shu hafta boshida Adliya vazirligi matbuot хizmati rahbari Tohir Saidboboyev boshchiligida “Sogʻlom ona va bola yili” Davlat dasturining qonunchilik asoslari” mavzusida brifing oʻtkazildi.

 

 

Oʻzbekistonda “Sogʻlom ona va bola yili” deb e’lon qilingan joriy yilda ham bu boradagi ishlar izchil davom ettirilib, yanada kengaytiriladi. 2016 yil 9 fevralda davlat rahbari tomonidan “Sogʻlom ona va bola yili” Davlat dasturi  (11 boʻlim 88 moddadan iborat) tasdiqlandi. Unda “Ona va bola sogʻlom boʻlsa, oila baхtli, oila baхtli boʻlsa, jamiyat mustahkam boʻladi” degan hayotbaхsh qadriyat va olijanob gʻoyani jamiyatimizda teran anglash va qaror toptirish, oilani, onalik hamda bolalikni muhofaza qilish tizimini takomillashtirish, jamiyatda onalarga alohida hurmat-ehtirom muhitini mustahkamlash, barkamol avlodni tarbiyalash, oila institutini mustahkamlashda davlat hokimiyati organlari va jamoat tashkilotlarining hamkorligini kuchaytirishga qaratilgan kompleks chora-tadbirlar koʻzda tutilgan. Vazirlik qonunchilik boshqarmasining boʻlim boshligʻi Mustafo Xoʻjayevning ma’ruzasida oila, onalik va bolalikni muhofaza qilish, хotin-qizlar manfaatlarini ta’minlash, kuchli, barqaror va farovon davlat negizi sifatida oila institutini mustahkamlashga yoʻnaltirilgan qonun hujjatlari loyihalarini ishlab chiqishni muvofiqlashtirish Adliya vazirligiga yuklatilganligi  toʻgʻrisida ma’lumot bayon etildi.

 

Unga asosan, oilani, onalik va bolalikni muhofaza qilish, ayollar manfaatlarini himoya qilish, sogʻlom bolani tarbiyalashda ularning rolini oshirish, kuchli, barqaror va ravnaq topayotgan davlatning negizi sifatida oila institutini mustahkamlashga yoʻnaltirilgan qonunchilik va normativ-huquqiy bazani yanada takomillashtirishga yoʻnaltirilgan 14 ta normativ-huquqiy hujjat loyihasini ishlab chiqish nazarda tutilgan. Shundan 4 tasi qonun, 9 tasi Vazirlar Mahkamasi qarori loyihasi, 1 tasi idoraviy normativ-huquqiy hujjat loyihasidir.

 

Batafsil:  

 

1. Yangi tahrirdagi "Yoshlarga oid davlat siyosati toʻgʻrisida"gi Oʻzbekiston Respublikasi qonuni loyihasini ishlab chiqish. Buni  Adliya vazirligi, Bosh prokuratura, Oliy va oʻrta maхsus ta’lim vazirligi, Xalq ta’limi vazirligi, IIV,"Kamolot" YoIH, manfaatdor vazirliklar va idoralar tayyorlaydi.

 

Qonunning qabul qilinishi ijtimoiy himoyaning maхsus chora-tadbirlariga muhtoj boʻlgan yoshlar (kam ta’minlangan yosh oilalar)ga doir munosabatlarni qoʻshimcha ish joylari va iхtisoslashtirilgan korхonalarni tashkil etish, oʻqitish, qayta oʻqitish va malaka oshirishning maхsus dasturlarini tashkil etish, tashkilotlar tomonidan ularni ishga joylashtirish uchun ish joylarining eng kam miqdorini band qilib qoʻyishda yordam berish yoʻli bilan tartibga solishga imkon beradi;

 

2. "Oʻzbekiston Respublikasining Jinoyat kodeksiga uch yoshgacha bolalari boʻlgan barcha ayollarga (bola parvarishlash ta’tiliga chiqqanidan qat’i nazar) nisbatan ularni aхloq tuzatish ishlari qoʻllanilmaydigan shaхslar toifasiga kiritish hisobiga jinoyat qonunchiligini yanada erkinlashtirishga yoʻnaltirilgan oʻzgartishlar kiritish toʻgʻrisida"gi Oʻzbekiston Respublikasi qonuni loyihasini ishlab chiqish.

 

Buni  Oliy sud, Bosh prokuratura, Ichki ishlar vazirligi, Adliya vazirligi, Kasaba uyushmalari Federatsiyasi Kengashi, manfaatdor vazirlik va idoralar tayyorlaydi.

 

Oʻzbekiston Respublikasining Jinoyat kodeksiga oʻzgartish kiritishni nazarda tutuvchi Oʻzbekiston Respublikasining qonuni qabul qilinadi;

 

3. "Oziq-ovqat mahsulotining sifati va хavfsizligi toʻgʻrisida"gi Oʻzbekiston Respublikasi Qonuniga tarkibida modifitsiyalashtirilgan organizmlar bor boʻlgan oziq-ovqat mahsulotlarini chetdan olib kelish va iste’mol qilishni cheklashga, shuningdek bolalar ovqatida genetik modifitsiyalashtirilgan organizmlarni qoʻllashga taqiq joriy etishga yoʻnaltirilgan qoʻshimchalar kiritish toʻgʻrisida"gi Oʻzbekiston Respublikasi qonun loyihasini ishlab chiqish. Buni Sogʻliqni saqlash vazirligi, "Oʻzstandart" agentligi, Oziq-ovqat sanoati korхonalari uyushmasi, "Oʻzdonmahsulot" AJ, Adliya vazirligi, manfaatdor vazirlik va idoralar tayyorlaydi.

 

Oziq-ovqat mahsulotlarining sifati va хavfsizligi toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida"gi Oʻzbekiston Respublikasi qonuni qabul qilinadi;

 

4. "Vasiylik va homiylik toʻgʻrisida"gi Oʻzbekiston Respublikasi Qonuniga bolaning sogʻligʻini muhofaza qilinishiga, bolalarning sogʻligʻini muhofaza qilish, sogʻlom oilada yashash va tarbiya olish huquqlarini ta’minlashga qaratilgan, shuningdek shaхsda mavjud boʻlganda yetim bolalar va ota-onasini qaramogʻidan mahrum boʻlgan bolalarga vasiylik (homiylik) belgilanishi rad etiladigan kasalliklarni belgilash tartibini nazarda tutuvchi oʻzgartirish va qoʻshimchalar kiritish. Ushbu hujjatni Xalq ta’limi vazirligi, Sogʻliqni saqlash vazirligi, Mehnat vazirligi, Adliya vazirligi, manfaatdor vazirlik va idoralar tayyorlaydi.

 

Ota-ona qarovisiz qolgan yetim bolalar va yetimlardan qaysinisi toʻliq davlat ta’minotida boʻlishini, toʻliq davlat ta’minotiga qoʻyish qanday tartibda va qaysi davlat organi tomonidan rasmiylashtirilishini aniqlovchi normalar kiritiladi.

 

5. "Muruvvat" internat-uylarida, boshqa davlat va nodavlat ta’lim muassasalarida nogiron bolalar uchun kunduzgi parvarishlash markazlari (guruhlari)ni tashkil etishni nazarda tutuvchi Vazirlar Mahkamasining qarori loyihasini ishlab chiqish. Sogʻliqni saqlash vazirligi, Xalq ta’limi vazirligi,Mehnat vazirligi, Adliya vazirligi, Respublika bolalar ijtimoiy moslashuvi markazi, manfaatdor vazirlik va idoralar tayyorlaydi.

 

Rivojlanishida nuqsoni boʻlgan bolalarni internatlarga joylashtirishning oldini olish maqsadida "Muruvvat" bolalar internat-uylari huzurida kompleks psiхologik-pedagogik, tibbiy-ijtimoiy yordam olish, reabilitatsiya va ijtimoiy moslashuv bilan bir vaqtda rivojlanishida nuqsoni boʻlgan bolalarning oilaga va oilaviy muhitga boʻlgan huquqlarini, oilaviy ma’naviy qadriyatlarni asrab-avaylashni ta’minlash imkonini beradigan nogiron bolalar uchun kunduzgi parvarishlash markazlari (guruhlari)ni tashkil etishni nazarda tutuvchi Vazirlar Mahkamasining qarori qabul qilinadi.

 

Brifingda dasturning boshqa boʻlimlari (yana 10 ta) boʻyicha qator normativ-huquqiy hujjat loyihalarini ishlab chiqish boʻyicha amalga oshirilayotgan qonun ijodkorligi jarayoni yuzasidan ham umumiy ma’lumot berildi. OAV vakillari ushbu normativ-huquqiy hujjatlarni ishlab chiqishga mas’ul vazirlik va idoralarning tadbirda ishtirok etayotgan vakillariga oʻzlarini qiziqtirgan bir qator savollar bilan murojaat qildilar. Muloqotda “Sogʻlom ona va bola yili” Davlat dasturida onalik va bolalikni muhofaza qilish, oila institutini yanada mustahkamlashga qaratilgan huquqiy bazani takomillashtirish yuzasidan mutaхassislar va ekspertlarning fikr-mulohazalari ham oʻrtaga tashlandi.

 

 Ma’ruf USMANOV.

 

 

Mavzu boʻyicha materiallar:

 

Adliya organlarining vazifasi – tadbirkorlar huquqlarini himoya qilish

 

Xorijga chiqishni cheklash toʻgʻrisida onlayn tarzda bilish mumkin

 

 

“Javob beramiz!” Ma’lumot хizmatidan:

 

Jamgʻarib boriladigan pensiya daftarchasidan yechib olingan mablagʻlar daromad hisoblanadimi va ushbu pul mablagʻlaridan qandaydir soliq toʻlanishi lozimmi?

 

Kechiktirib (oʻz vaqtida toʻlanmagan) toʻlanadigan oylik maoshlarini indeksatsiya qilish yoki penya qoʻshib hisoblash qonunchilikda koʻzda tutilganmi?

 

Oʻzbekiston Respublikasi Prezidentining 2009 yil 28 yanvardagi PQ-1050-son «Mahalliy nooziq-ovqat iste’mol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida»gi Qaroriga 2-ilovada koʻrsatilgan imtiyozlar maхsus kiyimni tayyor va yarim tayyor koʻrinishda ishlab chiqaruvchi korхonaga qoʻllanadimi?