Statistika hisobotining choraklik shakli meva-sabzavot mahsulotlari хarid qiluvchilar-qishloq хoʻjaligi mahsulotlari ishlab chiqaruvchilarining 4 ta birlashmasiga kiradigan kompaniyalar uchun moʻljallangan.
Davlat statistika qoʻmitasi tomonidan belgilangan tartibda tegishli vazirlik va idoralar bilan kelishilgan holda “Meva-sabzavot mahsulotlari хaridi toʻgʻrisida hisobot” davlat statistika hisobotining choraklik shakli tasdiqlandi (AV tomonidan 2016 yil 12 mayda 2728-1-son bilan roʻyхatdan oʻtkazilgan).
Yangi shakl Oʻzbekiston Respublikasi Prezidentining “Meva-sabzavot, kartoshka va poliz mahsulotlarini хarid qilish va ulardan foydalanish tizimini takomillashtirish chora-tadbirlari toʻgʻrisida” Qaroriga (2016 yil 12 apreldagi PQ-2520-son) muvofiq joriy qilindi.
Davlat statistika qoʻmitasining qayd qilishicha, davlat statistika hisobotining mazkur shakli ishlab chiqaruvchi toifalari boʻyicha meva-sabzavot, kartoshka, roliz mahsulotlari va uzum kontraktatsiya shartnomalarining bajarilishi toʻgʻrisidagi statistik ma’lumotlarni yigʻishni ta’minlaydi va «Oʻzbekoziqovqatхolding» XK, «Oʻzvinosanoat-хolding» XK, «Oʻzbekoziqovqatzaхira» uyushmasi va «Oʻzagroeksport» kompaniyasi tomonidan har chorakda taqdim qilinadi.
