Статистика ҳисоботининг чораклик шакли мева-сабзавот маҳсулотлари харид қилувчилар-қишлоқ хўжалиги маҳсулотлари ишлаб чиқарувчиларининг 4 та бирлашмасига кирадиган компаниялар учун мўлжалланган.
Давлат статистика қўмитаси томонидан белгиланган тартибда тегишли вазирлик ва идоралар билан келишилган ҳолда “Мева-сабзавот маҳсулотлари хариди тўғрисида ҳисобот” давлат статистика ҳисоботининг чораклик шакли тасдиқланди (АВ томонидан 2016 йил 12 майда 2728-1-сон билан рўйхатдан ўтказилган).
Янги шакл Ўзбекистон Республикаси Президентининг “Мева-сабзавот, картошка ва полиз маҳсулотларини харид қилиш ва улардан фойдаланиш тизимини такомиллаштириш чора-тадбирлари тўғрисида” Қарорига (2016 йил 12 апрелдаги ПҚ-2520-сон) мувофиқ жорий қилинди.
Давлат статистика қўмитасининг қайд қилишича, давлат статистика ҳисоботининг мазкур шакли ишлаб чиқарувчи тоифалари бўйича мева-сабзавот, картошка, ролиз маҳсулотлари ва узум контрактация шартномаларининг бажарилиши тўғрисидаги статистик маълумотларни йиғишни таъминлайди ва «Ўзбекозиқовқатхолдинг» ХК, «Ўзвиносаноат-холдинг» ХК, «Ўзбекозиқовқатзахира» уюшмаси ва «Ўзагроэкспорт» компанияси томонидан ҳар чоракда тақдим қилинади.
