Davstatqoʻm aholining 2018 yildagi jami daromadi umumiy hajmini hisoblab, uning tuzilmasini taqdim etdi.
Dastlabki ma’lumotlarga koʻra, 2018 yil yanvar–dekabr oylarida aholining jami daromadi umumiy hajmida kichik tadbirkorlikning ulushi 62,6%ni tashkil etgan.
Eng koʻp hajm Jizzaх viloyatiga toʻgʻri kelgan – 73,2%, eng kami Toshkentga – 51,7%.
Umuman olganda aholi jon boshiga jami daromadning yuqori oʻsish sur’atlari Surхondaryo va Xorazm viloyatlarida kuzatilgan – 11,3%. Jizzaх viloyatida – 11,1%, Buхoro viloyatida – 9,9%, Qoraqalpogʻiston Respublikasida – 9,5%, Fargʻona viloyatida – 9,2%, Navoiy viloyatida – 8,8% va Samarqand viloyatida – 8,5%.
Jami daromadlar umumiy hajmining sezilarli darajada oʻsishi umumiy daromadlar tarkibida 71,1% ulushga ega boʻlgan mehnat faoliyatidan olingan daromadlarning sezilarli oʻzgarishi hisobiga yuzaga kelgan.
Mehnat faoliyatidan olingan daromadlarning mintaqalar jami daromadi tarkibidagi eng koʻp ulushi Navoiy viloyatida (84,2%) kuzatilgan. Aksincha, Toshkentda, Xorazm. Samarqand, Namangan, Fargʻona, Andijon viloyatlari va Qoraqalpogʻiston Respublikasida u respublika boʻyicha oʻrtacha darajadan past boʻlgan.
Davlat statistika qoʻmitasining «Aholi umumiy daromadlari (2018 yil yanvar–dekabr)» hisoboti.
