Adliya vazirligi Vazirlar Mahkamasining «Koʻchmas mulk bilan bogʻliq bitimlarni notarial tasdiqlashni tartibga solish chora-tadbirlari toʻgʻrisida»gi qarori qabul qilingani haqida хabar berdi.
Qayd etilishicha, Prezidentning 25.05.2018 yildagi PQ–3741-son qaroriga muvofiq, 2019 yil 1 yanvardan boshlab koʻchmas mulk bilan bogʻliq bitimlarni notarial tasdiqlash faqat gerbli blankalarda amalga oshiriladi.
Har bitta gerbli blanka uchun yigʻim – EKIHning 10%i (material e’lon qilingan paytda – 20 273 soʻm) toʻlanadi. Ayirboshlash shartnomalari boʻyicha 2 ta blanka (har bir tomonga bittadan), qolgan shartnomalar boʻyicha esa – faqat bitta blanka kerak boʻladi.
Eslatib oʻtamiz, хuddi shu sanadan boshlab koʻchmas mulkni ijaraga berish shartnomalarini notarial tasdiqlash boʻyicha talab bekor qilinadi. Biroq 1.01.2019 yildan boshlab ularni soliq organlarida hisobga qoʻyish talab etiladi (batafsil bu yerda va bu yerda qarang).