Ma’muriy huquqbuzarliklar toʻgʻrisidagi kodeks (MHTK) qabul qilingach, amaldagi Ma’muriy javobgarlik toʻgʻrisidagi kodeks oʻz kuchini yoʻqotadi.
MHTK Adliya vazirligi huzuridagi Huquqiy siyosat tadqiqot instituti tomonidan ishlab chiqildi. Unda quyidagi vazifalar oʻz aksini topgan:
- ishni koʻrishning protsessual tartibini takomillashtirish;
- protsess ishtirokchilarining huquq va majburiyatlarini maqbullashtirish;
- ma’muriy huquqbuzarlikka oid ish yuritish tizimiga zamonaviy AKTni keng joriy qilish;
- jabrlanuvchi arizasiga asosan yuritiladigan ma’muriy huquqbuzarliklarga oid ishlarni tugatish tartibini joriy qilish;
- ma’muriy jazo choralari tizimini liberallashtirish;
- jarima jazosini iхtiyoriy ijro etishni ragʻbatlantirishning differensial tartibini joriy etish.
Loyiha Adliya vazirligi tashabbusi bilan oʻtkazilgan uchrashuvda taqdimot qilindi. Tadbirda mazkur vazirlik, Oliy sud, DXX, Bosh prokuratura, IIV, mamlakatimizning boshqa idoralari хodimlari, Toshkent davlat yuridik universiteti ekspertlari ishtirok etdi.
Kiritilgan takliflardan soʻng MHTK loyihasi qayta ishlanib, ochiq muhokamaga qoʻyiladi.
