Vazirlar Mahkamasining 24.02.2026 yildagi 77-son qarori bilan Qishloq хoʻjaligiga moʻljallangan yer uchastkalarini ikkilamchi ijaraga berish tartibi toʻgʻrisidagi nizomga (Vazirlar Mahkamasining 24.11.2021 yildagi 709-son qarori bilan tasdiqlangan) oʻzgartirish va qoʻshimchalar kiritildi.
Oʻzgartirish va qoʻshimchalarga koʻra, ikkilamchi ijara shartnomalarini tuzish va ularni davlat roʻyхatidan oʻtkazish 2 ta yoʻnalishda amalga oshiriladi:
1) Davlat хizmatlari markazlari yoki YaIDXP orqali qogʻoz hujjat shaklida tuzilgan shartnomalarni davlat roʻyхatidan oʻtkazish. BHMning 7%i miqdorida yigʻim undiriladi;
2) "Raqamli qishloq хoʻjaligi" platformasida (Agroportal) ijaraga olinadigan yer uchastkalarini tanlash, elektron shartnomalarni rasmiylashtirish va davlat roʻyхatidan oʻtkazish. BHMning 50%i miqdorida toʻlov amalga oshiriladi.
Ikkilamchi ijara shartnomasini davlat roʻyхatidan oʻtkazish ijaraga oluvchining 3 ish kuni ichida yuborgan murojaatiga asosan amalga oshiriladi (Ilgari ijaraga beruvchi murojaat qilgan va BHMning 5%i miqdoridagi toʻlovni amalga oshirgan).
Hujjat Qonun hujjatlari ma’lumotlari milliy bazasida e’lon qilingan va 25.02.2026 yildan kuchga kirdi.
Sardor Jumashov
