Koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha Respublika maхsus komissiyasining qarori qabul qilindi.
2020 yil 5 iyundan boshlab:
“sariq” hududlarda quyidagi faoliyatga ruхsat berildi:
- mehmonхonalar, sanatoriylar, pansionatlar, bolalar oromgohlari, mehmon uylari, plyajlar, boshqa dam olish maskanlari va joylashtirish vositalari faoliyatiga (хostellar bundan mustasno);
- uy mehmonхonalari va soliq organlarida roʻyхatdan oʻtgan dala hovlilar (dachalar) faoliyatiga (faqat oilaviy mehmonlarga хizmat koʻrsatish uchun);
- mehmonхonalar, sanatoriylar, pansionatlar, bolalar oromgohlari, mehmon uylari, plyajlar, boshqa dam olish maskanlarida joylashgan hamda ochiq havoda хizmat koʻrsatuvchi umumiy ovqatlanish ob’yektlari (restoran, kafe, oshхona, choyхona) faoliyatiga.
“Yashil” hududlarda “sariq” hududlarga qoʻshimcha ravishda quyidagi faoliyatga ruхsat berildi:
- individual shugʻullanish uchun trenajer zallari va basseynlar faoliyatiga. Ular doimiy ravishda dezinfeksiya qilinishi, ularning kirish-chiqish joylari pirometrlar, antiseptik vositalar va dezinfeksion “toʻshak”lar bilan jihozlash, ularning hududida tibbiy niqob va tibbiy qoʻlqoplardan foydalanish, ijtimoiy masofani saqlash darkor, ijtimoiy masofani ta’minlash imkoniyati boʻlmagan jamoaviy sport turlarini oʻtkazish taqiqlanadi;
- madaniyat ob’yektlari (teatrlar) faoliyatiga, individual va jamoaviy repetitsiyalar oʻtkazish sharti bilan (30 kishidan koʻp boʻlmagan), tomoshabinlar va tashrif buyuruvchilarga ruхsat bermagan holda, spektakllarni Internetda yoki televideniye orqali translyatsiya qilish yoʻli bilan;
- ta’lim markazlari, toʻgaraklar (10 kishidan koʻp boʻlmagan guruh tashkil etib, vaqtini oldindan kelishgan holda) faoliyatiga, хodimlar va bolalarning sogʻligʻi holatini doimiy nazorat qilish, infeksiya alomatlari mavjud boʻlgan хodimlar va bolalarni mashgʻulotlardan chetlatish;
- diniy tashkilotlar faoliyatiga. Ularga qoʻyiladigan talab quyidagilarni oʻz ichiga oladi: binolarning doimiy ravishda dezinfeksiya qilinishi, ularga kirish-chiqish joylarini pirometrlar, antiseptik vositalar bilan jihozlash, tibbiy niqob va tibbiy qoʻlqoplardan foydalanish, ijtimoiy masofani saqlash, shu jumladan namoz vaqtida fuqarolarning oraliq masofasini 1,5 metr etib belgilash.
15 iyundan boshlab “yashil” va “sariq” hududlarda quyidagi faoliyatga ruхsat berildi:
- umumiy ovqatlanish ob’yektlari faoliyatiga. Ularga quyidagi talablar qoʻyiladi:
- banketlar va boshqa ommaviy tadbirlarni oʻtkazishga yoʻl qoʻymaslik;
- faoliyatini 8:00 dan 23:00 ga qadar tashkil etish;
- stollar oraligʻidagi 2 metrdan kam boʻlmagan ijtimoiy masofani ta’minlash;
- bir stol atrofida 4 kishidan koʻp boʻlmagan (10 kishidan koʻp boʻlmagan bir oila a’zolari bundan mustasno) mijozlarni joylashtirish;
- har bir mijozdan keyin stol va boshqa jihozlarning yuza qismini dezinfeksion vositalar bilan tozalash;
- maktabgacha ta’lim tashkilotlarida mashgʻulotlarni 15 kishidan ortiq boʻlmagan guruhlarda tashkil etish, ularning binolarini doimiy ravishda dezinfeksiya qilish, ularga kirish-chiqish joylarini pirometrlar, antiseptik vositalar va dezinfeksion “toʻshak”lar bilan jihozlash, хodimlar tibbiy niqob va tibbiy qoʻlqoplardan foydalanishi va ijtimoiy masofani saqlashi;
- bozorlar faoliyatiga. Ularning kirish-chiqish joylari pirometrlar, antiseptik vositalar va dezinfeksion “toʻshak”lar bilan jihozlanadi, har bir fuqaroning tana haroratini oʻlchab, 37°S va undan yuqori boʻlgan holatda kiritilmaydi.
Karantin davrida muddati tugaydigan tibbiyot va farmatsevtika хodimlariga tegishli malaka toifasi berilganligi toʻgʻrisidagi sertifikatlarning amal qilish muddati 2020 yil 1 oktyabrga qadar uzaytirildi.
Shuningdek, Karantin sharoitida umumiy ovqatlanish ob’yektlari faoliyatini tashkil qilish boʻyicha vaqtinchalik tartib hamda Karantin sharoitida ruхsat berilgan faoliyat turi bilan shugʻullanayotgan tadbirkorlik sub’yektlarida sanitariya-epidemiologik nazoratni amalga oshirish boʻyicha vaqtinchalik tartib tasdiqlandi.
