“Oʻzstandart” agentligi ishlab chiqaruvchilar va eksportyorlar faoliyatini soddalashtirishga qaratilgan O’z DSt 3185:2017 yangi standarti, Davlat raqobat qoʻmitasi esa Oʻzbekiston Respublikasi mulkni baholash milliy standarti (15-son MBMS) “Mashina va uskunalar qiymatini baholash” qabul qilinganligini e’lon qildi.
O’z DSt 3185:2017 “Xalqaro va mintaqaviy standartlarni Oʻzbekistonning davlat standartlari sifatida qabul qilish” standarti mahsulotlar ishlab chiqaruvchilarini qoʻllab-quvvatlash, tadbirkorlarning eksport imkoniyatlarini kengaytirish maqsadida ishlab chiqilib, joriy etilgan. Endilikda, mamlakatimiz amaliyotida birinchi marta, хalqaro standartlar toʻsqinliksiz qabul qilinadi. Standart 2017 yil 1 iyul kunidan amalga kiritilgan.
Mulkni baholash milliy standarti (15-son MBMS) “Mashina va uskunalar qiymatini baholash” ham yangilik hisoblanadi, u mashinalar va uskunalar qiymatini baholash sohasida baholash faoliyatini normativ jihatdan tartibga soladi. 15-son MBMSni amal qilishi mashina va uskunalarning qiymatini aniqlash va tegishli baholash natijalarini aks ettirishda qoidalarni belgilashga qaratilgan.
