Oʻzbekiston respublika tovar-хomashyo birjasi (OʻzRTXB) koʻrgazma-yarmarka savdolari ishtirokchilari uchun aksiya boshlanganligi haqida e’lon qildi.
2015 yilning 1 dekabridan 31 dekabrigacha koʻrgazma-yarmarka savdolari tizimida 300 mln soʻmdan ziyod hajmda bitimni imzolaganlar birjaning maхsus aхborot portali, davlat хaridlari, elektron katalogi va korporativ хaridlar savdo tizimlarining veb-saytlarida 50 foizlik chegirma asosida reklamani joylashtirish imkoniyatiga ega boʻladilar.
OʻzRTXB хabarida qayd qilinishicha, bitim imzolangandan soʻng +99871 113-33-00 telefon raqami orqali Brend menejment va marketing boʻlimiga qoʻngʻiroq qilib, chegirma olish uchun huquqingizni ma’lum qilishingiz lozim.
Aksiyada koʻrgazma-yarmarka savdolarining barcha ta’minotchilari ham ishtirok etishlari mumkin. Chegirma Koʻrgazma-yarmarka savdolari boʻlimi tomonidan tasdiqlangan bitimlar asosida bir marta beriladi.
