Ўзбекистон республика товар-хомашё биржаси (ЎзРТХБ) кўргазма-ярмарка савдолари иштирокчилари учун акция бошланганлиги ҳақида эълон қилди.
2015 йилнинг 1 декабридан 31 декабригача кўргазма-ярмарка савдолари тизимида 300 млн сўмдан зиёд ҳажмда битимни имзолаганлар биржанинг махсус ахборот портали, давлат харидлари, электрон каталоги ва корпоратив харидлар савдо тизимларининг веб-сайтларида 50 фоизлик чегирма асосида рекламани жойлаштириш имкониятига эга бўладилар.
ЎзРТХБ хабарида қайд қилинишича, битим имзолангандан сўнг +99871 113-33-00 телефон рақами орқали Бренд менежмент ва маркетинг бўлимига қўнғироқ қилиб, чегирма олиш учун ҳуқуқингизни маълум қилишингиз лозим.
Акцияда кўргазма-ярмарка савдоларининг барча таъминотчилари ҳам иштирок этишлари мумкин. Чегирма Кўргазма-ярмарка савдолари бўлими томонидан тасдиқланган битимлар асосида бир марта берилади.
.png)
