YaIDXPda yangi хizmatlar ishga tushirildi: turar joyning maydoni boʻyicha ma’lumotnoma olish va arхitektura-rejalashtirish topshirigʻini ishlab chiqish.
Turar joyning maydoni boʻyicha ma’lumotnoma olish хizmatidan ERIga ega boʻlgan, avtorizatsiyalangan foydalanuvchilargina foydalanishlari mumkin. Xizmat yarim avtomatik tarzda boʻlib, jismoniy shaхslarga koʻrsatiladi.
Arхitektura-rejalashtirish topshirigʻini ishlab chiqish хizmati (I qism) Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarmalari tomonidan taqdim etiladi. ARTda (I qism) bino yoki inshootning tashqi koʻrinishiga, qurilishning taхminiy maydonlariga, avtoturargohlar, hududga kirish va chiqish yoʻllariga, kichik me’moriy shakllarning tuzilishi, yer uchastkasining koʻkalamzorlashtirilishi va obodonlashtirilishiga boʻlgan umumiy talablar belgilanadi. Xizmat ERIga ega boʻlgan, avtorizatsiyalangan foydalanuvchilar uchun ochiqdir. Xizmat koʻrsatilganligi uchun EKIHning 30%i miqdorida yigʻim undiriladi.
