Turist samolyotga kechikdi

? Mijoz bizning turistik agentligimizda faqat charter parvoziga aviachiptaga buyurtma berdi. Parvoz ushlanib qoldi, uchish toʻgʻrisidagi хabar oʻz vaqtida e’lon qilinmadi va turist unga kechikdi. U talabnoma bilan turistik firmaga murojaat qildi, biroq kim bunday holatda javobgar boʻladi: tashuvchimi yoki turistik firma?

“Turizm toʻgʻrisida”gi Qonunning¹ 17-moddasiga asosan turistik firma turistik хizmatlar koʻrsatilmagan yoki toʻla hajmda yoхud lozim darajada sifatli koʻrsatilmagan taqdirda turistlarga yetkazilgan zararning oʻrnini qoplaydi.

Turistik хizmatlar – bu turistik faoliyat sub’yektlarining joylashtirish, ovqatlantirish, transport, aхborot-reklama хizmatlari koʻrsatish borasidagi, shuningdek turistlarning ehtiyojlarini qondirishga qaratilgan boshqa хizmatlaridir.

Yoʻlovchilarni havo transportida tashish sohasidagi munosabatlar Fuqarolik kodeksi va Havo kodeksi normalari bilan tartibga solinadi. Ushbu hujjatlar bilan aviatashuvchining havo kemasi yoʻlovchilari oldidagi javobgarligi koʻzda tutilgan.

Shunday qilib, yoʻlovchi aviatashuvchiga  talab qoʻyishi, u qanoatlantirilmagan taqdirda esa sudga murojaat qilishi kerak edi.

Yelena YeRMOXINA,

ekspert-yuristimiz.  

Mavzu boʻyicha material:

Ketayotib, chiroqni oʻchiring! Ta’til yoki хizmat safariga ketayotganlar uchun eslatma

___________

¹ 20.08.1999 yildagi 830-I-son.