«Norma» korxonalar rahbarlari uchun «QQS toʻgʻrisida» kulgili qilib chizilgan multfilmlarni yaratdi. Ularni buxgalter.uz da bepul tomosha qiling.
Soliq qonunchiligiga kiritilgan oʻzgartirishlar birinchi navbatda buxgalterning bosh ogʻrigʻi ekanligi barchaga ma’lum. U normativ hujjatlar va tushuntirishlarni oʻqib borishi, trening va seminarlarga qatnashi zarur, sababi hisob-kitoblar yuzasidan butun mas’uliyat aynan uning zimmasiga yuklatiladi.

Boshqa tomondan direktor ham ulardan boxabar boʻlishi lozim, shundagina u oʻz biznesiga boshqacha nazar bilan qarashni oʻrganadi. Masalan, QQS toʻlamaydigan yetkazib beruvchidan arzonroqqa olish oʻrniga ushbu soliqni toʻlaydigan yetkazib beruvchidan qimmatroq narxda tovar sotib olishingiz nima sababdan siz uchun foydaliroq ekanligini bilasizmi? Yoki – yetkazib beruvchidan hisobvaraq-faktura kechikib kelsa, nima uchun kompaniyangiz pul yoʻqotishidan xabaringiz bormi? Yoxud u belgilangan shaklda rasmiylashtirilmasa-chi?
QQSni hisoblab chiqarish va toʻlashning bazaviy prinsiplari va muhim jihatlarini bilish u yoki bu loyihaga pul tikish, muayyan faoliyat turlari bilan shugʻullanish, kerakli yetkazib beruvchidan tovar xarid qilishda bir toʻxtamga kelishda yordam beradi.

«QQS toʻgʻrisida» multfilmlar «Kichik va xususiy biznes sub’yektlarining moliyaviy savodxonligini oshirish» deb nomlangan yirik loyihaning kichik qismi xolos. Mazkur oʻquv kursi tushuntirish beruvchi matnlar, videoma’ruzalar, testlar hamda vazifalarni oʻz ichiga olgan. Nazariy qism aniq biznes misolida oddiy tilda bayon etilgan. Siz balansni oʻqishni, moliyaviy model yaratishni, pul oqimlarini rejalashtirishni oʻrganib olishingiz mumkin – ushbu imkoniyatlarning bari bepul taqdim etilmoqda!



