14 dekabr kuni Oliy Majlis palatalarining qoʻshma majlisida Oʻzbekiston Respublikasi Bosh vaziri lavozimiga nomzodni tasdiqlash toʻgʻrisidagi masala koʻrib chiqildi.
Abdulla Aripov Bosh vazir lavozimiga tasdiqlandi
15.12.2016
Majlisni Oliy Majlis Qonunchilik palatasi Spikeri N. Ismoilov olib bordi.
Ma’lumki, Konstitutsiyaning 98-moddasiga muvofiq Bosh vazir nomzodi Oliy Majlisning Qonunchilik palatasiga saylovda eng koʻp deputatlik oʻrinlarini olgan siyosiy partiya tomonidan Oʻzbekiston Prezidentiga koʻrib chiqish uchun taklif etiladi. Shundan kelib chiqib, yaqinda boʻlib oʻtgan Tadbirkorlar va ishbilarmonlar harakati - Oʻzbekiston Liberal-demokratik partiyasi majlisida Prezidentga Bosh vazir lavozimiga nomzod taklif etildi.
Mamlakatimiz Prezidenti Bosh vazir oʻrinbosari lavozimida ishlab kelayotgan Abdulla Nigmatovich Aripov nomzodini Oʻzbekiston Respublikasi Bosh vaziri lavozimiga taqdim etdi hamda majlisda hozir boʻlganlarni A.Aripovning biografiyasi bilan tanishtirdi.
Shundan soʻng A.Aripov Vazirlar Mahkamasining yaqin muddatga va uzoq istiqbolga moʻljallangan harakat dasturi yuzasidan ma’ruza qildi.
Ma’ruzani eshitgach, deputatlar va Senat a’zolari Bosh vazir lavozimiga taqdim etilgan nomzodni ma’qullashdi va tegishli qaror qabul qilishdi.
Ma’ruf USMANOV
Yangi sonlarda oʻqing
- 1 maydan nimalar oʻzgaradi
- Markirovkalanmagan salqin ichimliklarni qanchalik tez realizatsiya qilish kerak
- Soliq toʻlovchining taqvimi
- «Eksportga moʻljallangan va iste’mol maqsadlarida undiriladigan don, dukkakli hamda moyli ekinlar urugʻlarini sertifikatlashtirish tartibi toʻgʻrisidagi nizomni tasdiqlash haqida»
- Haqi toʻlanmaganda chegirmalar tan olinmaydi