«Strategik rejalashtirish toʻgʻrisida»gi qonun loyihasi muhokama qilish uchun QHTBTga joylashtirildi.
Strategik rejalashtirish – mamlakat, uning mintaqalari, iqtisodiyot tarmoqlari va sohalarini ijtimoiy-iqtisodiy jihatdan barqaror rivojlantirishning asosiy yoʻnalishlari, maqsadli parametrlari, ustuvor vazifalarini belgilash, buning uchun zarur dastur va chora-tadbirlarni ishlab chiqish va amalga oshirish.
Ushbu meхanizmning asosiy prinsiplari hamda davlat boshqaruvi organlari: Oliy Majlis, Vazirlar Mahkamasi, Iqtisodiyot va sanoat vazirligi, boshqa respublika organlari va mahalliy davlat hokimiyati organlarining vakolatlari belgilanmoqda.
Strategik rejalashtirish hujjatlari uchta darajada ishlab chiqiladi (quyidagi jadvalga qarang).
|
Respublika darajasi |
Mintaqaviy daraja |
Tarmoq darajasi |
|
Oʻzbekiston Respublikasini ijtimoiy-iqtisodiy rivojlantirish prognozi |
Mintaqani ijtimoiy-iqtisodiy rivojlantirish prognozi |
Iqtisodiyot tarmogʻini rivojlantirish prognozi |
|
Oʻzbekiston Respublikasini kompleks ijtimoiy-iqtisodiy rivojlantirish konsepsiyasi |
Mintaqani ijtimoiy-iqtisodiy rivojlantirish konsepsiyasi |
Iqtisodiyot tarmogʻini rivojlantirish konsepsiyasi |
|
Hudud (tuman, shahar)ni kompleks rivojlantirish dasturlari |
Iqtisodiyot tarmogʻini rivojlantirish dasturlari |
Hujjatning har bir turi mazmuni va ishlab chiqish tartibi qonun loyihasida bayon etilgan. Ular oʻzaro muvofiq kelishi, ziddiyatlar va takrorlashlar boʻlmasligi kerak. Oʻrta muddatli strategik hujjatlar (3 yildan 5 yilgacha) uzoq muddatlilariga (5 yil va undan ortiq), qisqa muddatlilari (1 yildan 2 yilgacha) oʻrta muddatlilariga muvofiq kelishi shart.
Strategik hujjatlarni amalga oshirish algoritmi belgilanmoqda. Ijrochi yoki yordamchi ijrochi boʻlgan har bir davlat organi chora-tadbirlar rejasini (odatda, 3 yillik) tasdiqlaydi. Davlat, mintaqalar va iqtisodiyot tarmoqlarini rivojlantirish prognozlari va konsepsiyalarining ilmiy jihatdan asoslanganligini Strategik rejalashtirish boʻyicha ekspert kengashi aniqlaydi. U Iqtisodiyot va sanoat vazirligi huzurida tashkil etiladi. Oʻz navbatida, Vazirlik hujjatlarni baholash va ularning amalga oshirilishi ustidan nazorat qilish bilan shugʻullanadi.
Strategik rejalashtirish hujjatlarining loyihalari e’lon qilinib, jamoatchilik muhokamasiga qoʻyiladi, bildirilgan fikr-mulohaza va takliflar koʻrib chiqiladi.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Oleg Zamanov.
