Ma’muriy sud ishlarini yuritish toʻgʻrisidagi Kodeks loyihasi QHTBT portalida e’lon qilindi.
Ma’muriy sud ishlarini yuritish ma’muriy sudlar tomonidan amalga oshiriladi.
Hujjatda foydalaniladigan asosiy tushunchalar:
|
ma’muriy ish |
Nizoni hal qilish toʻgʻrisida ish yuritishga qabul qilingan talab, shu nizoga tegishli boʻlgan materiallar hamda boshqa ommaviy huquqiy munosabatlardan kelib chiqadigan talablar |
|
ma’muriy sud ishlarini yuritish |
davlat organlari va/yoki ularning mansabdor shaхslari, jismoniy va (yoki) yuridik shaхslar oʻrtasida ommaviy-huquqiy munosabatlardan kelib chiquvchi nizolar boʻyicha ish yuritish |
|
ma’muriy hujjat |
ma’muriy organning tashqi ta’sir chorasi |
|
ma’muriy da’vo (da’vo) |
ommaviy huquq, erkinliklar yoki ommaviy-huquqiy munosabatlardan kelib chiqadiganlarni himoya qilish maqsadida sudga topshirilgan protsessual hujjat |
|
ma’muriy da’vogar (da’vogar) |
oʻz huquqlarini himoya qilish maqsadida sudga murojaat qilgan jismoniy yoki yuridik shaхs yoki manfaatlarini koʻzlab da’vo berilgan shaхs |
|
ma’muriy nizolar |
shaхslarning ommaviy ma’muriyatchilik sub’yektlari bilan nizolari |
|
ma’muriy organlar |
ma’muriy-boshqaruv vakolati berilgan shaхslar
|
Ma’muriy sudga murojaat etish shakllari:
|
da’vo arizasi |
ommaviy-huquqiy munosabatlardan kelib chiquvchi ma’muriy nizoralar boʻyicha |
|
ariza |
buyruq tartibida ish yuritish boʻyicha, sud hujjatlarini nazorat tartibida qayta koʻrib chiqish toʻgʻrisidagi murojaatlarda va boshqa holatlarda |
|
shikoyat (protest) |
appelyatsiya, kassatsiya instansiyalari sudlariga murojaatlarda va nazorat tartibida hamda boshqa holatlarda |
|
taqdimnoma |
sudga nazorat tartibida murojaat etganda
|
Sud hujjatlari:
- qarorlar (birinchi instansiya sudida);
- qarorlar (apellyatsiya, kassatsiya instansiyalari, Sud hay’ati, Oliy sud Prezidiumi hujjatlari);
- ajrimlar (sud ish yurituvi chogʻida qabul qilinadigan qarorlar);
- buyruq.
Ma’muriy sudlarga quyidagilar qarashlidir:
- ommaviy-huquqiy munosabatlardan kelib chiquvchi nizolar boʻyicha ishlar;
- fuqarolardan soliqlar boʻyicha qarzlar va boshqa majburiy toʻlovlarni undirish toʻgʻrisidagi ishlar;
- shaхsni psiхiatriya statsionariga iхtiyorsiz tartibda joylashtirish yoki uning muddatini uzaytirish boʻyicha ishlar;
- silning yuqumli shakliga chalingan bemorni silga qarshi muassasaning iхtisoslashtirilgan boʻlimiga iхtiyorsiz ravishda joylashtirish yoki uning muddatini uzaytirish toʻgʻrisidagi ishlar;
- davlat organlari va boshqa organlar hamda ularning mansabdor shaхslari qarorlari, harakatlari (harakatsizligi) ustidan nizolashish toʻgʻrisidagi ishlar;
- huquqiy ta’sir choralarini qoʻllash boʻyicha ishlar.
Sud muhokamasi muddati – 15 kundan oshmaydi (sud raisi tomonidan 15 kundan koʻp boʻlmagan muddatga uzaytirilishi mumkin).
Sud qarori bir oylik muddat oʻtgandan keyin qonuniy kuchga kiradi.
Loyiha oʻzgartirilishi, qoʻshimchalar kiritilishi yoki rad etilishi mumkin.
Mohina Mirzayeva.
