QHTBT portalida Prezidentning “Avtomobil transporti sohasida davlat tomonidan boshqarish va tartibga solish tizimini yanada takomillashtirish chora-tadbirlari toʻgʻrisida”gi qarori va Vazirlar Mahkamasining “Avtomobil transporti sohasida davlat tomonidan boshqarish va tartibga solish tizimini yanada takomillashtirish chora-tadbirlarini amalga oshirish toʻgʻrisida”gi qarori loyihalari joylashtirildi.
Hujjatlarda qayd qilinishicha, hajmli qonun hujjatlari bazasi mavjudligiga qaramay, transport bozorining rivojlanishiga bir-birini takrorlovchi tartibotlar, avtomobil transporti sohasidagi tadbirkorlar uchun cheklovlar va toʻsqinliklar toʻgʻanoq boʻlmoqda.
Bunday muammolarni bartaraf etish uchun Toshkent shahri va Toshkent viloyati hokimliklari yoʻlovchi transport harakatini litsenziyalash departamentlarini tugatish boʻyicha komissiyalar tuziladi. Departamentlar Oʻzbekiston avtomobil va daryo transporti agentligiga birlashtiriladi.
Oʻzbekiston avtomobil va daryo transporti agentligi 2 oy muddatda bepul asosda departamentlar tomonidan berilgan amaldagi litsenziyalar va litsenziya kartochkalarini qayta rasmiylashtiradi. Qayta rasmiylashtirishga qadar tashuvchilar oʻz faoliyatlarini eski litsenziyalar asisida amalga oshiradilar.
Departamentlarni tugatish boʻyicha komissiya 15 nafar kishidan iborat boʻlib, unga I.Mahkamov – Vazirlar Mahkamasining Kommunal soha, transport, kapital qurilish va qurilish industriyasi masalalari departamenti mudiri boshchilik qiladi.
Mazkur Qarorlarning qabul qilinishi munosabati bilan:
chora-tadbirlar toʻgʻrisida”gi qaroriga oʻzgartirishlar kiritiladi.
Loyihalar oʻzgartirilishi, toʻldirilishi yoki rad etilishi mumkin.
Mohina Mirzayeva
