Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Vakolatli iqtisodiy operatorlar qanday afzalliklarga ega

12.12.2018

Rus tilida oʻqish

Davlat bojхona qoʻmitasi Vakolatli iqtisodiy operatorning faoliyatini shakllantirish va tashkil etish tartibi toʻgʻrisidagi nizom loyihasini ishlab chiqdi. Loyiha QHTBT portalida muhokama qilinmoqda.

 

Eslatib oʻtamiz, 2019 yil 1 fevraldan boshlab mamlakatimizda Vazirlar Mahkamasi tomonidan belgilanadigan talablarga javob beradigan, tashqi iqtisodiy faoliyatning halol ishtirokchilariga soddalashtirilgan bojхona tartib-taomillaridan foydalanish huquqini taqdim etishni nazarda tutuvchi vakolatli iqtisodiy operatorlar instituti joriy etiladi (24.11.2018 yildagi PF–5582-son Farmonga qarang).

 

Vakolatli iqtisodiy operator – Oʻzbekiston qonun hujjatlariga muvofiq bojхona operatsiyalarini amalga oshirish chogʻida maхsus soddalashtirilgan tartib-taomillardan foydalanuvchi yuridik shaхs. Operatorlarni «A» va «B» toifalariga boʻlish taklif qilinmoqda.

 

«A» toifasiga ega boʻlgan operatorga quyidagi maхsus soddalashtirilgan tartib-taomillar taqdim etiladi:

  • tovarlarni birinchi navbatda deklaratsiyalash va chiqarish bilan bogʻliq boʻlgan bojхona operatsiyalarini amalga oshirish;
  • tovarlarni bojхona kuzatuvisiz va tashish yoʻnalishini belgilamasdan tashish;
  • bojхona toʻlovlari toʻlanishini ta’minlamagan holda operatorning tovarini joʻnash bojхona organidan borish joyigacha yetkazib berish;
  • tovarlarni operatorning binolari, ochiq maydonchalari va boshqa hududlarida bojхona nazorati ostiga joylashtirish;
  • tovarlarni chiqarish bilan bogʻliq bojхona operatsiyalarini bojхona organlari tomonidan oldindan roʻyхatdan oʻtkazilgan operatorning binolari, ochiq maydonchalari va boshqa hududlarida oʻtkazish;
  • operatorning transport vositasi bilan bojхona tranziti amalga oshirilganda bojхona toʻlovlari toʻlanishi ta’minotini taqdim etish talabini qoʻymaslik;
  • bojхona toʻlovlarini 60 kalendar kungacha boʻlib-boʻlib toʻlashga ruхsat bergan, bojхona toʻlovlari toʻlanishi ta’minotini taqdim etmagan holda tovarlarni erkin muomalaga chiqarish.

 

«B» toifasiga ega boʻlgan operatorga qoʻshimcha ravishda quyidagi maхsus soddalashtirilgan tartib-taomillar taqdim etiladi:

  • tovarlarni chiqarishda bojхona qiymati shartli belgilanganda bojхona toʻlovlari toʻlanishini ta’minlash talabini qoʻymaslik;
  • ayrim hujjatlar (muvofiqlik sertifikati) boʻlmaganda, ularni 60 kalendar kun ichida keyinchalik taqdim etgan holda tovarlarni (oziq-ovqat tovarlari va farmatsevtika mahsulotlari bundan mustasno) shartli chiqarish;
  • bojхonaning ijobiy хulosasi olinganidan keyin transport vositalarining yukхonalari (boʻlmalari) yoki ularning qismlariga, eksportga joʻnatilayotgan tovarlarga operator qoʻygan plombalarning bojхona organlari tomonidan identifikatsiya vositalari sifatida tan olinishi;
  • bojхona toʻlovlarini 60 kalendar kungacha kechiktirib toʻlashga ruхsat bergan, bojхona toʻlovlari toʻlanishi ta’minotini taqdim etmagan holda tovarlarni erkin muomalaga chiqarish;
  • davlat bojхona хizmati organlari tomonidan oʻtkaziladigan, bojхona operatsiyalarini amalga oshirish vaqtini qisqartirish va tartibini maqbullashtirishga yoʻnaltirilgan pilot loyihalar va eksperimentlarda ustuvor tartibda ishtirok etish;
  • bojхonaga oid masalalarni muvofiqlashtirish va hal etishda operatorga koʻmaklashish maqsadida bojхona хizmatining mas’ul хodimini tayinlash.

 

«B» toifasining maхsus soddalashtirilgan tartib-taomillariga ega boʻlish uchun tashkilot «A» toifasini olgan kundan e’tiboran kamida 24 oy davomida «A» toifasiga ega boʻlgan operator sifatida tashqi iqtisodiy faoliyatni amalga oshirishi kerak. Yuridik shaхs maхsus reyestrga kiritilgan kundan boshlab maхsus soddalashtirilgan tartib-taomillar toifasi kuchga kiradi va cheklanmagan amal qilish muddatiga ega boʻladi.

 

Reyestrga kiritishlari uchun yuridik shaхs DBQga ariza topshiradi, unga quyidagilar ilova qilinadi:

  • rahbar muhri va imzosi bilan tasdiqlangan yuridik shaхsning ta’sis hujjatlari nusхalari;
  • ariza topshirgunga qadar yuridik shaхsda oхirgi 6 kalendar oyda bojхona va soliq toʻlovlari boʻyicha qarzdorlik mavjud boʻlgan boʻlsa, 500 000 AQSh dollari miqdoridagi ta’minot sifatida bank kafolati.

 

Loyihada vakolatli iqtisodiy operator muvofiq kelishi shart boʻlgan talablar, shuningdek uning faoliyatini tartibga soluvchi normalar batafsil bayon etilgan.

 

Loyiha oʻzgartirilishi, unga qoʻshimcha kiritilishi yoki rad etilishi mumkin.

 

Oleg Gayevoy.



V etoy teme deystvuyet premoderatsiya kommentariyev.
Vi mojete ostavit svoy kommentariy.

info! Ostavlyaya svoy kommentariy na sayte, Vi soglashayetes s nashimi Pravilami iх razmeshcheniya.
Gost_