Иқтисодий тараққиёт ва камбағалликни қисқартириш вазирининг буйруғи билан 06.04.2016 йилдаги 2773-сон БЮДни тўлдириш тартиби тўғрисидаги йўриқномага муҳим ўзгартириш ва қўшимчалар киритилди. Ҳужжат – катта ҳажмли, давлат тилида қабул қилинган. Нималар ўзгарганини қисқача тушунтирамиз:
- Ўзбекистон божхона чегараси орқали олиб ўтиладиган товарларни божхона расмийлаштирувининг амалдаги тўрт босқичли тизими (чегара пункти – божхона омбори – мувофиқликни баҳолаш – эркин муомалага чиқариш), икки босқичга қисқартирилади (мувофиқликни баҳолаш – чегарада эркин муомалага чиқариш).
- Товарларни олдиндан декларациялаш тушунчаси аниқлаштирилмоқда. Эндиликда бу чет эл товарлари Ўзбекистон ҳудудига етиб келгунига қадар божхона органига БЮДни (дастлабки божхона декларацияси), товар етиб келгандан кейин эса БЮД рақамини кўрсатган ҳолда транзит декларациясини тақдим этишни англатади, унинг асосида товарлар эркин муомалага чиқарилади.
Тегишинча – БЮД тақдим этилгандан кейин тўлиқ божхона декларациясини тақдим этиш мажбурияти бекор қилинади. Агар товарлар бўйича илгари дастлабки декларация берилган бўлса, декларант ёки божхона брокери транзит декларациясида унинг рўйхатдан ўтказиш рақамини кўрсатади ва божхона органи расмийлаштиришни амалга оширади.
Buxgalter.uz да батафсил ўқинг
Подробнее: https://www.norma.uz/uz/bizning_sharhlar/tatil_-_2020_nimalarni_hisobga_olishga_tugri_keladi.
