Бундай имконият суғурта ташкилотлари устав капиталининг минимал миқдорини 2020-2022 йилларда босқичма-босқич ошириш туфайли юзага келади (Президентнинг 2.08.2019 йилдаги ПҚ-4412-сон қарорига қаранг).
Эслатиб ўтамиз, суғурталовчининг бошланғич устав капитали муассислар томонидан лицензия олиш пайтига шакллантирилган бўлиши ва белгиланган минимал миқдордан кам бўлмаслиги керак. Устав капитали камида 90% муассисларнинг (иштирокчиларнинг) пул маблағлари билан шакллантирилади. Кредитга, гаровга олинган маблағлар ва бошқа жалб қилинган маблағлардан фойдаланиш мумкин эмас.
Суғурта ташкилотларининг жами устав капитали 2019-2022 йилларда 2,4 баравар – ҳозирги 0,8 дан 1,2 трлн сўмгача оширилиши керак. Хусусан, суғурталовчилар (қайта суғурталовчилар) устав капиталининг минимал қийматини босқичма-босқич ошириш бундай натижаларга эришишда ёрдам беради.
млрд сўм
|
Суғурта фаолиятининг турлари |
Амалдаги қиймат |
2020 йил 1 июлдан
|
2022 йил 1 июлдан
|
|
Ихтиёрий суғурта: |
|
|
|
|
умумий суғурта |
7,5 |
15 |
20 |
|
ҳаётни суғурта қилиш тармоғида |
10 |
||
|
Мажбурий суғурта (умумий суғурта ёки ҳаётни суғурта қилиш тармоғида) |
15 |
25 |
35 |
|
Фақат қайта суғурта |
30 |
35 |
45 |
Ҳужжат “Халқ сўзи” газетасида чоп этилган ва 3.08.2019 йилдан кучга кирди.
Олег Заманов.
