Ўқувчиларни имтиҳонлардан озод қилиш ҳуқуқини берадиган касалликлар рўйхати кенгайтирилди. Умумий ўрта таълим олувчиларнинг якуний давлат аттестацияси тўғрисидаги низомга тегишли қўшимчалар киритилди (рўйхат рақами 1778-2, 6.11.2019 й.).
Шу тариқа, мактаб ўқувчиларини якуний давлат аттестациясидан озод қилиш ҳуқуқини берувчи бошқа 55 та касалликдан ташқари, яна қуйидаги 4 та касалликда улар имтиҳонлардан озод қилинадилар:
- муковисцидоз, аралаш шакли, оғир тури (касаллик коди Е84);
- плеврит (J90-K94);
- носпецифик ярали колит (зўриқиш даври, К51);
- жигар пиррози (декомпенсация даври, К74.6).
Ҳужжат Қонун ҳужжатлари маълумотлари миллий базасида эълон қилинган ва 6.11.2019 йилдан кучга кирди.
Ленара Хикматова.
