Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Применяется ли уже предельный размер 20 млрд сум. для плательщиков авансовых платежей по налогу на прибыль Если директор ограничивает возможности увольнения главбуха Какие налоговые последствия возникают при выявлении налоговыми органами мнимых и притворных сделок

Ёшлар стартаплари учун кредитлар ажратилади

15.07.2025

Читать на русском языке

Вазирлар Маҳкамасининг 10.07.2025 йилдаги   "Ёшлар тадбиркорлигини ҳамда уларнинг  бандлигини таъминлашга қаратилган бизнес лойиҳаларини қўллаб-қувват лаш ва уларни молиялаштириш тартибини белгилаш чора-тадбирлари тўғрисида"ги 426-сон қарори қабул қилинди. 

 

2025 йил якунига қадар бизнес лойиҳаларни қўллаб-қувватлаш тизимини рақамлаштириш бўйича электрон платформа ишлаб чиқилади.

 

Қопланадиган харажатли стартап лойиҳа - 18 ёшга тўлган ва 30 ёшдан ошмаган Ўзбекистон фуқароси ёки ушбу фуқарога тегишли юридик шахс томонидан амалга ошириладиган, янги маҳсулот ёки хизмат яратувчи кенг кўламли инновацион ишланмалардан фойдаланган ҳолда 7 йилгача бўлган муддатга мўлжалланган бизнес лойиҳаси.

 

Ёшлар ишлари агентлиги ҳузуридаги Ёшлар тадбиркорлигини ривожлантириш давлат мақсадли жамғармаси маблағлари ҳисобидан бизнес лойиҳаларни молиялаштириш тартиби тўғрисидаги низом тасдиқланди. Унда қуйидагилар мавжуд:

  • Жамғарма маблағлари ҳисобидан тижорат банки орқали кредитлар бериш, шу жумладан аризаларни кўриб чиқиш ва тижорат банкига молиявий ресурслар ажратиш тартиби, ҳар бир тур бўйича кредитлар ажратишнинг ўзига хос хусусиятлари;
  • харажатларнинг бир қисмини жамғарма маблағлари ҳисобидан қоплаш қоидалари;
  • ёшларга чет тилларини ўқитиш бўйича таълим хизматлари кўрсатиш учун БҲМнинг 320 бараваригача миқдорда кредитлар ажратиладиган олис ва чекка ҳудудлар рўйхати.

 

Жамғарма маблағлари ҳисобидан молиявий қўллаб-қувватлаш воситалари рўйхати фаолият турига қараб 100 млн сўмдан 2,5 млрд сўмгача бўлган кредитларни ўз ичига олади.

 

Бунда Жамғарма маблағлари ҳисобидан қуйидаги харажатларнинг 50 фоизигача қисман қопланиши назарда тутилган:

  • юқори муваффақият салоҳиятига эга стартап ғоясини тажриба намунаси даражасига етказиш учун хорижий ва маҳаллий экспертлар, мураббийларни (менторларни) жалб қилиш, бироқ 100 млн сўмдан кўп бўлмаган миқдорда;
  • халқаро инкубация ёки акселерация дастурларида иштирок этиш билан боғлиқ, бироқ 10 минг АҚШ долларидан ошмайдиган.

 

Ҳужжат Қонун ҳужжатлари маълумотлари миллий базасида эълон қилинган ва 11.07.2025 йилдан кучга кирди.

 

Лола Абдуазимова