Солиқ қўмитаси, Иқтисодиёт ва молия вазирлиги ҳамда Марказий банкнинг қўшма қарори билан (06.12.2025 й. АВ рўйхат рақами 2467-7-сон) юридик ва жисмоний шахсларнинг валюта операцияларини мониторинг қилиш қоидаларига ўзгартиришлар киритилди.
Бунга ИҲТТнинг солиқ шаффофлиги ва ахборот алмашинуви бўйича Глобал форумига аъзо мамлакатларнинг янгиланган рўйхати сабаб бўлди.
Қарорга кўра, амалдаги Низомга иловадан 52-позиция – Панама Республикаси чиқариб ташланди. Шундай қилиб, Панама энди операциялар бўйича кучайтирилган валюта назорати талаб қилинадиган давлатлар рўйхатида йўқ.
Ҳужжат Бош прокуратура ҳузуридаги Иқтисодий жиноятларга қарши курашиш департаменти ва ССП билан келишилган.
Ҳужжат Қонун ҳужжатлари маълумотлари миллий базасида эълон қилинган ва 09.12.2025 йилдан кучга кирди.
