Вазирлар Маҳкамасининг 22.09.2026 йилдаги 508-сон қарори билан Тошкент шаҳрида қонунчилик ҳужжатларини бузганлиги учун ушланган транспорт воситаларини вақтинча сақлаб туриш жойларига олиб келиш, жойлаштириш ва сақлаш тартибини янада такомиллаштириш тартиби тасдиқланди.
Низом қонун ҳужжатларини бузганлик учун ушланган транспорт воситаларини Тошкент шаҳридаги вақтинча сақлаб туриш жойларига олиб келиш, жойлаштириш ва сақлаш тартибини назарда тутади.
2026 йил 1 октябрдан бошлаб Тошкент шаҳрида тажриба тариқасида ушланган транспорт воситаларини вақтинчалик жарима майдончаларига олиб кириш, жойлаштириш, сақлаш, ҳисобга олиш ва олиб чиқиш Ягона автоматлаштирилган ахборот тизимининг «Жарима майдончаси» модули орқали электрон тарзда амалга оширилади.
Ушлаб қолинган транспорт воситаларини жарималар зонасидан олиб чиқиш учун рухсатнома фақат маъмурий ёки ижро этувчи органнинг мансабдор шахслари томонидан QR-кодли модуль орқали тасдиқланади ва транспорт воситаси ҳайдовчисига электрон шаклда юборилади.
Ушлаб турилган транспорт воситаларини вақтинча сақлаб туриш хизматларини кўрсатувчи юридик шахсларнинг барча ахборот тизимлари «Жарима майдончаси» модулига интеграция қилинади.
Бунда сақлаш хизматларини кўрсатувчи юридик шахсларнинг пул оқимлари тўғрисидаги маълумотлари солиқ органларига автоматик тарзда узатилади.
Ушлаб турилган транспортни ушлаб туриш сабаблари бартараф этилгандан сўнг, уни жарима майдончасидан олиб чиқишга «Жарима майдончаси» модули орқали ҳам рухсат берилади.
Жарима зоналарида олти ойдан ортиқ сақланган транспорт воситалари талаб қилиб олинмаган транспорт воситалари реестрига киритилади.
Ҳужжат Қонун ҳужжатлари маълумотлари миллий базасида эълон қилинган ва 23.09.2026 йилдан кучга кирди.
Лола Абдуазимова
