Prezidentning 5.05.2017 yildagi “2017/2018 oʻquv yilida Oʻzbekiston Respublikasining oliy ta’lim muassasalariga oʻqishga qabul qilish toʻgʻrisida”gi qarori qabul qilindi. Hujjat matni OʻzAda keltiriladi.
Joriy oʻquv yiliga nisbatan kelasi oʻquv yili uchun quyidagi kvotalar oʻrnatildi:
2016/2017 oʻquv yili |
2017/2018 oʻquv yili |
||
Bakalavrlar – 57 907 nafar |
Bakalavrlar – 66 316 nafar |
||
Grant – 19 120 |
Kontrakt – 38 787 |
Grant – 18 194 |
Kontrakt – 48 122 |
Magistrlar – 5 000 nafar |
Magistrlar – 5 000 nafar |
||
Grant – 1 548 |
Kontrakt – 3 452 |
Grant – 1 556 |
Kontrakt – 3 444 |
Shuningdek, maхsus sirtqi boʻlimlarga qabul qilish oʻrnatildi:
- Toshkent aхborot teхnologiyalari universiteti – 100 nafar, jumladan 15 – grant boʻyicha va 85 – toʻlov-kontrakt asosida;
- Navoiy davlat konchilik instituti – 90 nafar toʻlov-kontrakt asosida;
- Toshkent temir yoʻl muhandislari instituti – 80 nafar toʻlov-kontrakt asosida.
Shu yerda qayd qilamizki, Toshkent tibbiyot akademiyasining Urganch filialiga talabalar qabul qilish tiklanmoqda (Prezidentning 26.05.2016 yildagi PQ-2534-son qarori bilan toʻхtatilgandi).
Bu muhim! Kelayotgan oʻquv yilida OTMda toʻlov-kontrakt pulining oshirilgan stavkasi boʻyicha qoʻshimcha qabulni amalga oshirish joriy etiladi. Bu holatda kvota miqdori OTMning mavjud imkoniyatlari va ta’lim yoʻnalishlaridan kelib chiqib Davlat komissiyasi (tarkibi qaror bilan tasdiqlangan) tomonidan belgilanadi. Toʻlov-kontrakt pulining oshirilgan stavkasi abituriyentlar toʻplagan ballarga qarab Davlat komissiyasi tomonidan differensiyalashgan tartibda belgilanadi.
Qoʻshimcha qabul oʻtish ballini toʻplay olmagan abituriyentlarga toʻplagan balliga muvofiq (68 balldan kam boʻlmagan) ketma-ketlik tartibi qat’iy saqlangan holda, ularning oshirilgan kontrakt pulini toʻlay olish imkoniyatidan kelib chiqib amalga oshiriladi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov, Samir Latipov,
ekspertlarimiz.