MV va DSQning «Alkogolli mahsulotlar uchun eng kam ulgurji-sotish va chakana narхlarni qayta koʻrib chiqish toʻgʻrisida»gi qarori (28.12.2018 yilda 3107-son bilan roʻyхatdan oʻtkazilgan) e’lon qilindi.
2019 yil 1 yanvardan alkogolli mahsulotlar qanchaga oshishi mumkinligi haqida ilgari yozgan edik. Qabul qilingan hujjat bilan loyihada taklif etilgan alkogol narхlari oʻzgartirishlarsiz qabul qilindi.
2018–2019 yillarda eng kam ulgurji-sotish va chakana narхlarning indeksatsiya foizi koʻrsatilgan solishtirma jadvali – bu yerda.
Eslatib oʻtamiz, vino, konyak, aroq va boshqa alkogolli mahsulotlarni, pivodan tashqari, ulgurji va chakana sotish uchun eng kam qiymat belgilangan.
Hujjat Qonun hujjatlari ma’lumotlari milliy bazasida e’lon qilingan va 1.01.2019 yildan kuchga kiradi.
Lenara Xikmatova.