Vazirlar Mahkamasining 06.10.2025 yildagi “Sogʻlom avlod uchun” hukumatga qarashli boʻlmagan хalqaro хayriya jamgʻarmasining faoliyatini yanada takomillashtirish chora-tadbirlari toʻgʻrisida"gi 626-son qarori qabul qilindi.
Hujjat bilan tuman (shahar)larda tashkil etilgan Jamgʻarmaning tayanch punktlarini tugatish, ularning vazifalari va mulkini Jamgʻarmaning hududiy boʻlinmalariga topshirish nazarda tutilgan.
Fondga Sogʻliqni saqlash vazirligi bilan birgalikda joylarda, ayniqsa olis va chekka hududlarda reproduktiv yoshdagi ayollar, homilador ayollar va bolalarga koʻrsatiladigan tibbiy yordam sifatini yanada oshirish quyidagi yoʻllar bilan ta’minlash tavsiya etiladi:
- reproduktiv yoshdagi ayollar va bolalar orasida kasallanishni kamaytirishga hamda ularni sogʻlomlashtirishga yoʻnaltirilgan “Sogʻlom ayol va bola oyligi”ni yiliga ikki marotaba tashkil etish;
- bolalar va oʻsmirlar, ayniqsa oʻsmir-qizlarni profilaktik koʻriklar bilan qamrab olish;
- bemor ayollar va nogironligi boʻlgan bolalarni chuqurlashtirilgan tibbiy koʻrikdan oʻtkazilishini ta’minlash hamda ularni sogʻlomlashtirish choralarini koʻrish.
Hujjat Qonun hujjatlari ma’lumotlari milliy bazasida davlat tilida e’lon qilingan va 06.10.2025 yildan kuchga kirdi.
Lola Abduazimova
