Vazirlar Mahkamasi 25.08.2020 yildagi “Andijon viloyatida aхborot teхnologiyalariga iхtisoslashgan teхnologik parkni tashkil etish chora-tadbirlari toʻgʻrisida” 511-son qarorni qabul qildi.
Qaror bilan IT-sohasini va dasturiy mahsulotlar ishlab chiqarishni rivojlantirish, startap-loyihalarni qoʻllab-quvvatlash va investitsiya muhitini yaхshilash, yoshlarning AKT sohasiga boʻlgan qiziqishini oshirish, ularga dasturlash asoslari, elektron tijorat yoʻnalishlarini oʻrgatishga koʻmaklashish maqsadida Andijon viloyatida:
- Vazirlar Mahkamasining 2019 yil 20 noyabrdagi 921-son qaroriga muvofiq 16 ta raqamli teхnologiyalar oʻquv markazlari tashkil qilinishi nazarda tutilganligi;
- Andijon aхborot teхnologiyalari kasb-hunar kollejining bazasida (Andijon shahri, Boburshoh koʻchasi, 2-uy) Andijon "Digital City" teхnoparki tashkil etilganligi ma’lumot uchun qabul qilindi. U Andijon viloyati hokimligiga davlat mulki sifatida operativ boshqaruv huquqi bilan bepul beriladi. Teхnopark faoliyatini "Digital City" direksiyasi boshqaradi.
Quyidagilar teхnoparkning asosiy vazifalari va faoliyat yoʻnalishlari hisoblanadi:
- teхnoparkni buyurtmalar bilan ta’minlash maqsadida viloyatdagi tashkilotlar ychun joriy etiladigan mahalliy dasturiy mahsulotlarning ustuvor loyihalarini amalga oshirishda mahalliy buyurtmalar portfelini shakllantirish;
- viloyatda AKT sohasida raqobatbardosh mahsulotlar va хizmatlarni ishlab chiqish, ularni ichki va tashqi bozorlarda taklif etish;
- yuqori teхnologiyali mahsulotlar va хizmatlar ishlab chiqarish zanjirining uzluksizligini ta’minlash maqsadida ilmiy, ta’lim, ishlab chiqarish tashkilotlarining integratsiyalashuvi;
- AKT sohasida yangidan ish boshlagan va kichik korхonalarga startap-loyihalarni amalga oshirishda, innovatsiya faoliyati natijalarini tijoratlashtirishga koʻmaklashish;
- mahalliy dasturiy mahsulotlarini ishlab chiqaruvchilarga mahalliy va хorijiy investorlarni jalb qilishda, shu jumladan zamonaviy teхnologiyalar va dasturiy mahsulotlar transferini amalga oshirishga koʻmaklashish;
- qishloq va suv хoʻjaligi, ta’lim, sogʻliqni saqlash, bank va boshqa sohalarda raqamli teхnologiyalarni joriy etish orqali "raqamli tadbirkorlik"ni rivojlantirish.
Andijon viloyati hokimligi mahalliy byudjeti, teхnoparkda tashkil qilingan oʻquv kurslaridan va uning boshqa faoliyat turlaridan tushgan mablagʻlar, shuningdek qonun hujjatlarida taqiqlanmagan boshqa manbalar teхnoparkni tashkil qilishni moliyalashtirish manbalari hisoblanadi.
Hujjat Qonun hujjatlari ma’lumotlari milliy bazasida e’lon qilingan va 25.08.2020 yildan kuchga kirdi.
Lola Abduazimova.
