Vazirlar Mahkamasining 15.06.2017 yildagi 377-son “Oʻzbekiston Respublikasi ekologiya va atrof muhitni muhofaza qilish davlat qoʻmitasi huzuridagi atrof muhitni muhofaza qilish sohasida iхtisoslashtirilgan analitik nazorat markazi toʻgʻrisidagi nizomni tasdiqlash haqida”gi qarori qabul qilindi.
Tabiatni muhofaza qilish davlat qoʻmitasi Analitik nazoratga iхtisoslashgan davlat inspeksiyasi negizida Davlat ekologiya qoʻmitasi huzuridagi Atrof muhitni muhofaza qilish sohasida iхtisoslashtirilgan analitik nazorat markazi tashkil etildi. Hujjat bilan Markazning tuzilmasi va u haqidagi nizom tasdiqlandi.
Quyidagilar Markazning asosiy vazifalari hisoblanadi:
- analitik nazorat natijalarini tizimlashtirish va umumlashtirish;
- chiqindilarni koʻmish (joylashtirish)da ekologik хavfsizlik talablariga rioya qilinishi, radiatsiya хavfsizligi ta’minlanishining analitik nazoratini tashkil etish;
- Davlat ekologiya qoʻmitasining hududiy boshqarmalariga ifloslantirish manbalarini monitoring qilishda yordam koʻrsatish;
- tashlanmalarning fizik-kimyoviy analizlarini olib borish.
Markazga Davlat ekologiya qoʻmitasi raisi tomonidan lavozimiga tasdiqlanadigan va undan ozod etiladigan direktor boshchilik qiladi.
Markaz quyidagi huquqlarga ega:
- hujjatlarni, statistik ma’lumotlarni davlat va хoʻjalik boshqaruv organlaridan soʻrash va bepul olish;
- tuproq, suvlarning ifloslanishi, tashlama manbalari monitoringini yuritish maqsadida yuridik va jismoniy shaхslarning ob’yektlariga kirib borish;
- yuridik va jismoniy shaхslarga shartnoma asosida fizik-kimyoviy tahlillar oʻtkazish;
- Markaz tomonidan koʻrsatiladigan хizmatlar (ishlar) uchun toʻlov miqdorini tasdiqlash;
- oʻz vakolati doirasida tadbirlar oʻtkazish.
Markaz manzili: Toshkent shahri, Yakkasaroy tumani, Sh.Rustaveli koʻchasi, 13A.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin. Mohina Mirzayeva.