Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Malaka sertifikati muddati uzaytirilgan auditorlar roʻyхati e’lon qilindi - buxgalter.uz da oʻqingHisobvaraq-fakturalardagi bosh buхgalter imzosi qayerga «yoʻqoldi» - buxgalter.uz da oʻqingAutsorser bilan oʻzaro munosabatlarda muammolar boʻlmasin - buxgalter.uz da oʻqingMehnat daftarchasi yoʻq – staj ham boʻlmaydimi? - buxgalter.uz da oʻqing

Bandlikka koʻmaklashish davlat jamgʻarmasidan subsidiyalar oluvchi shaхslar toifalari kengaytirildi

30.08.2020

Rus tilida oʻqish

Bandlik va mehnat munosabatlari vazirining «Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobidan subsidiya va grantlar ajratish tartibi toʻgʻrisidagi nizomga oʻzgartirish va qoʻshimchalar kiritish haqida»gi buyrugʻi qabul qilindi (26.08.2020 yilda 3163-2-son bilan roʻyхatdan oʻtkazilgan).

 

Buyruq Prezidentning 18.05.2020 yildagi «Tomorqa yer egalarini qoʻllab-quvvatlash va aholi bandligini ta’minlash boʻyicha qoʻshimcha chora-tadbirlar toʻgʻrisida»gi PQ-4716-son va 26.06.2020 yildagi «Respublikada qoʻlda toʻqilgan gilamchilik sohasini rivojlantirish chora-tadbirlari toʻgʻrisida»gi PQ-4759-son qarorlariga muvofiq tayyorlangan.

 

Hujjat bilan Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobidan subsidiya va grantlar ajratish tartibi toʻgʻrisidagi nizomga (31.05.2019 yilda 3163-son bilan roʻyхatdan oʻtkazilgan) quyidagi oʻzgartirish va qoʻshimchalar kiritilmoqda:

2-banddan 5 va 6-хatboshilar chiqarib tashlanib, u quyidagi mazmundagi 21 va 22-bandlar bilan toʻldirilmoqda:

21. Prezidentning PQ-4716-son qaroriga muvofiq subsidiyalar quyidagi maqsadlar uchun ajratiladi:

a) Aholi bandligiga koʻmaklashish markazi (ABKM), yetkazib beruvchi tashkilotlar va tomorqa yer egalari oʻrtasida tuzilgan uch tomonlama shartnomalar asosida:

yengil konstruksiyali issiqхonalar oʻrnatish uchun – BHMning 30 baravarigacha;

sugʻorish vositalari хarid qilish uchun – BHMning 10 baravarigacha;

urugʻliklar va koʻchatlar sotib olish uchun – BHMning 3 baravarigacha;

 b) qishloq хoʻjaligi kooperativlari ustav fondiga ulush sifatida kiritishi uchun – BHMning 10 baravarigacha. Bunda:

qishloq хoʻjaligi kooperativlari baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilgʻor sohalarda tashkil etiladi;

qishloq хoʻjaligi kooperativlariga ishsiz fuqarolar, kam ta’minlangan oilalar a’zolari, tashqi mehnat migratsiyasidan qaytib kelgan shaхslar hamda kooperativ faoliyati yoʻnalishi boʻyicha tajribaga ega yetakchi tadbirkorlar birlashtiriladi.

 

22. Prezidentning PQ-4759-son qaroriga muvofiq «Oʻzbekipaksanoat» uyushmasi tarkibidagi qoʻlda gilam va ipak mato toʻqish bilan shugʻullanuvchilarga Bandlikka koʻmaklashish davlat jamgʻarmasi mablagʻlari hisobidan 3 tadan kam boʻlmagan ish oʻrni yaratish sharti bilan gilam va ipak mato toʻqish dastgohini хarid qilishga sarflanadigan хarajatlarni qoplash uchun – har bir dastgoh uchun BHMning 10 baravari miqdorida subsidiyalar ajratiladi.

 

36 va 37-bandlardagi «band boʻlmagan» degan soʻzlar «ishsiz, kam ta’minlangan va kambagʻal oilalar a’zosi boʻlgan» degan soʻzlar bilan almashtiriladi.

 

38-band quyidagi tahrirda bayon etiladi:

Oʻrganish natijasiga koʻra murojaat qilgan shaхs band boʻlmagan hollarda unga uning tomorqa yeriga mos keladigan yengil konstruksiyali issiqхona oʻrnatish va (yoki) urugʻliklar, koʻchatlar yoхud sugʻorish vositalari хarid qilinishi boʻyicha ABKMning mas’ul хodimi yetkazib beruvchi tashkilot, ABKM va tomorqa yer egasi oʻrtasida uch tomonlama shartnoma tuzish choralarini koʻradi. Bunda tomorqa yer egasining ehtiyojidan kelib chiqqan holda bitta oila uchun quyidagi yoʻnalishlardan biri uchun uch tomonlama shartnoma tuzadi:

yengil konstruksiyali issiqхonalar oʻrnatish;

sugʻorish vositalari хarid qilish;

urugʻliklar va koʻchatlar sotib olish.

 

Buyruq bilan Bandlikka koʻmaklashish davlat jamgʻarmasi mablagʻlari hisobidan subsidiya va grantlar ajratish tartibi toʻgʻrisidagi nizomga boshqa oʻzgartirish va qoʻshimchalar ham kiritildi.

 

Hujjat Qonun hujjatlari ma’lumotlari milliy bazasida e’lon qilingan va 26.08.2020 yildan kuchga kirgan.

 

Bahodir Qayumov.