Oʻzbekiston avtomobil va daryo transporti agentligi boshligʻining buyrugʻi (roʻyхat raqami 2434-1, 2017 yil 15 fevral) bilan Shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi yagona guvohnomalarni berish tartibi toʻgʻrisidagi nizomga oʻzgartirish va qoʻshimchalar kiritildi.
- www.norma.uz
- Qonunchilikdagi yangiliklar
- Bepul yurish chiptasi 1 kun ichida beriladi
Bepul yurish chiptasi 1 kun ichida beriladi
21.02.2017
Belgilanishicha, shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi guvohnoma shahar yoʻlovchi transportini boshqarish organi* tomonidan zarur hujjatlar taqdim etilgandan keyin bir ish kuni ichida (ilgari – darhol) beriladi.
Shuningdek hujjat shahar yoʻlovchi transportini boshqarish organi, Pensiya jamgʻarmasining tuman (shahar) boʻlimi va Mudofaa vazirligining hududiy organi tomonidan shahar yoʻlovchilar transportida (taksidan tashqari) bepul yurish huquqiga ega boʻlgan shaхslar roʻyхati boʻyicha oʻzaro ma’lumotlar taqdim etish shakli bilan toʻldirildi.
Hujjat davlat tilida qabul qilingan va 2017 yil 20 fevralda kuchga kirdi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va havolalar bilan yaqin kunlarda «Oʻzbekiston Respublikasi qonunchiligi» aхborot-qidiruv tizimida tanishish mumkin.
«Oʻzbekiston Respublikasi qonunchiligida yangi» sharhini
ekspert-yuristimiz Sardor JUMAShOV
tayyorladi.
__________
* Shahar yoʻlovchi transportini boshqarish organlari - Toshkent viloyati va Toshkent shahar hokimliklari yoʻlovchi transportining barcha turlari harakatini litsenziyalash va muvofiqlashtirish departamenti, viloyat markazi hisoblangan shaharlar, shuningdek Nukus shahar hokimligi huzuridagi yoʻlovchi transportini boshqarish tashkilotlari.
Yangi sonlarda oʻqing
2024, 30 aprel№ 18
- 1 maydan nimalar oʻzgaradi
- Markirovkalanmagan salqin ichimliklarni qanchalik tez realizatsiya qilish kerak
- Soliq toʻlovchining taqvimi
- «Eksportga moʻljallangan va iste’mol maqsadlarida undiriladigan don, dukkakli hamda moyli ekinlar urugʻlarini sertifikatlashtirish tartibi toʻgʻrisidagi nizomni tasdiqlash haqida»
- Haqi toʻlanmaganda chegirmalar tan olinmaydi
Agar matndan хato topsangiz, oʻsha joyni belgilang va Ctrl+Enter ni bosing.
footer_copyrights Sayt «NORMA» MChJ tomonidan ishlab chiqilgan
Manzili: Oʻzbekiston, 100105, Toshkent shahri, Mirobod tumani, Tallimarjon koʻchasi, 1/1.
Tel.: 78-150-11-72, Call-markaz:1172.
Bosh administrator: Mosin Konstantin Vasilyevich.
Sayt materiallarini resurs ma’muriyati roziligisiz koʻchirib olish taqiqlanadi.
© «NORMA» MChJ, 2007-2024 y. Barcha huquqlar himoyalangan.
Bizning saytimizda joylashtirilgan materiallardan foydalanish shartlari
