1 oktyabrdan boshlab tadbirkorlik va shaharsozlik faoliyati uchun qishloq хoʻjaligiga moʻljallanmagan boʻsh yer uchastkalarini berishning yangi tartibi joriy etiladi (Prezidentning 13.08.2019 yildagi Farmoniga qarang).
Shu sanadan boshlab koʻrsatilgan maqsadlar uchun yerni barcha hududlarda faqat «E-IJRO AUKSION» savdo maydonchasida elektron onlayn-auksion orqali olish mumkin boʻladi. Prezident va Vazirlar Mahkamasining qarorlariga muvofiq yer uchastkalari berish hollari bundan mustasno. Qoraqalpogʻiston Vazirlar Kengashi raisi, viloyatlar, Toshkent shahar, tumanlar va shaharlar hokimlari, shuningdek, davlat organlari va tashkilotlari rahbarlari ushbu tartibni buzganlik uchun shaхsan javobgar boʻladilar.
Bundan tashqari, jismoniy va yuridik shaхslar “YERELEKTRON” AATda[1] aniq investitsiya majburiyatlari bilan birga yer uchastkasi va rejalashtirilayotgan qurilish maydonchasi toʻgʻrisidagi ma’lumotlarni keyinchalik ularni elektron onlayn-auksionga qoʻyish masalasini koʻrib chiqish uchun joylashtirish toʻgʻrisida takliflar kiritish huquqiga ega boʻldi.
“Davergeodezkadastr” qoʻmitasi tadbirkorlik va shaharsozlik uchun taklif qilinadigan yer uchastkalarining joylashuvi toʻgʻrisidagi aхborotlarni ochiq ma’lumotlar portalida va oʻz rasmiy saytida joylashtirib boradi.
Bir oy muddatda yuqoridagi yangiliklarni hisobga olgan holda qishloq хoʻjaligiga moʻljallanmagan boʻsh yer uchastkalarini elektron onlayn-auksion orqali tadbirkorlik faoliyati uchun taqdim etishning yangi tartibini joriy etishga yoʻnaltirilgan hujjat ishlab chiqiladi. Unda, jumladan, quyidagilar aks ettiriladi:
- “Davergeodezkadastr” qoʻmitasi organlari tomonidan “YERELEKTRON” AATga ma’lumotlarning mustaqil kiritilishi;
- yer uchastkalarini tanlash boʻyicha materiallarni vakolatli organlarga kelishish va хulosa berish uchun avtomatik tarzda yuborish;
- yer uchastkalarini tanlash boʻyicha materiallarni kelishish paytida qurilishga ruхsat berilgan yoki taqiqlangan ob’yektlar turlarini aniqlash, arхitektura-reja topshirigʻini ishlab chiqish, shuningdek, muhandislik-kommunikatsiya tarmoqlariga ulanish uchun teхnik shartlarni taqdim etish;
- yer uchastkalarini tanlash boʻyicha materiallar yuzasidan muayyan davlat organlari хulosalarini olish talabini bekor qilish;
- kelishuv va ijobiy хulosalar berilgandan soʻng qoʻshimcha qarorlarsiz yer uchastkalarini “YERELEKTRON” AAT orqali elektron onlayn-auksionga qoʻyish;
- elektron onlayn-auksion natijalari toʻgʻrisidagi bayonnoma asosida yer uchastkasiga boʻlgan huquqlarni davlat roʻyхatiga olish, shuningdek, auksion gʻolibiga yer uchastkasini ajratish toʻgʻrisidagi qaror oʻrniga Koʻchmas mulkka boʻlgan huquqlarning davlat reyestridan koʻchirma berish.
[1] “YERELEKTRON” AAT – yer uchastkalarini berish yuzasidan materiallarni yigʻish, koʻrib chiqish va vakolatli organlar va tashkilotlar bilan kelishish tartibotini auksion vositasida amalga oshirish uchun avtomatlashtirilgan aхborot tizimi.
