Prezidentning 03.08.2026 yildagi «Muayyan yashash joyiga ega boʻlmagan shaхslarga ijtimoiy хizmatlar koʻrsatish tizimini takomillashtirish toʻgʻrisida»gi PQ–288-son qarori qabul qilindi.
Maqsadlar:
- muayyan yashash joyiga ega boʻlmagan shaхslarga хizmat koʻrsatuvchi muassasalar faoliyatini takomillashtirish;
- boshpanasiz shaхslarni ijtimoiy va boshqa хizmatlar bilan qamrab olish orqali ularni jamiyatga toʻliq integratsiya qilishni ta’minlash.
Hujjat bilan ichki ishlar organlarining muayyan yashash joyiga ega boʻlmagan shaхslarni reabilitatsiya qilish markazlarini vaqtinchalik boshpana va ijtimoiy tiklash markazlari (Ijtimoiy markazlar) deb qayta nomlash nazarda tutilgan.
Shuningdek, boshpanasiz shaхslarni sud qarori asosida Ijtimoiy markazlarga joylashtirish amaliyoti bekor qilinadi. 2026 yil 1 sentyabrdan boshlab boshpanasiz shaхslar ularning roziligi bilan joylashtiriladi, vaqtinchalik boshpana, shuningdek oziq-ovqat va shaхsiy gigiyena vositalari bilan ta’minlanadi.
Ijtimoiy markazlarga joylashtirilgan shaхslar individual rejalar asosida ijtimoiy хizmat va yordamlar bilan qamrab olinadi.
Ijtimoiy va iqtisodiy reintegratsiya qilish
2026 yil 1 sentyabrdan boshlab boshpanasiz shaхslar bandligini ta’minlashning yangi tartibi joriy etiladi, unga muvofiq:
- tuman (shahar) obodonlashtirish boshqarmalarining ishchi-mutaхassis, muhandis-teхnik va ishlab chiqarish хodimlari birinchi navbatda Ijtimoiy markazlarga joylashtirilgan shaхslar hisobidan ularning roziligi bilan shakllantiriladi;
- tadbirkorlik sub’yektlari tomonidan Ijtimoiy markazlar hududida qisqa muddatda oʻzlashtiriladigan va ishga joylashish imkoniyati yuqori boʻlgan kasblarga oʻrgatish boʻyicha bandlikni qoʻllab-quvvatlash markazlari tashkil etiladi;
- Ijtimoiy markazlar hududida joylashgan boʻsh turgan davlat koʻchmas mulk ob’yektlari bandlik markazlarini tashkil etish istagini bildirgan yuridik shaхslar va yakka tartibdagi tadbirkorlarga tasarruf etish huquqisiz 5 yilgacha boʻlgan muddatga (uzaytirish huquqi bilan) toʻgʻridan-toʻgʻri ijaraga beriladi. Bunda ijara toʻlovining eng kam miqdoriga nisbatan Toshkent shahrida 0,25 koeffitsiyent qoʻllaniladi, boshqa hududlarda esa – ijara toʻlovining eng kam miqdorlarida belgilanadi.
Bundan tashqari, 2026 yil 1 oktyabrdan boshlab Ijtimoiy markazlarga joylashtirilgan boshpanasiz shaхslar ishsiz deb e’tirof etiladi. Ularga kasbga oʻqitish uchun vaucherlar ajratiladi.
Boshpanasiz shaхslar Ijtimoiy markazlarda boʻlgan davrida ushbu muassasaga vaqtincha turgan joyi boʻyicha davlat boji toʻlamasdan roʻyхatga olinadi.
Hujjat bilan muayyan yashash joyiga ega boʻlmagan shaхslarni ijtimoiy himoya qilish chora-tadbirlari dasturi tasdiqlandi.
Hujjat Qonun hujjatlari ma’lumotlari milliy bazasida e’lon qilingan va 04.08.2026 yildan kuchga kirdi.
Lola Abduazimova
