Prezidentning 4.09.2017 yildagi PQ–3256-son «Oʻzbekiston Respublikasi Fanlar akademiyasi Botanika instituti va Zoologiya instituti faoliyatini tashkil etish chora-tadbirlari toʻgʻrisida»gi qarori e’lon qilindi.
Fanlar akademiyasining Botanika va zoologiya instituti negizida ikkita mustaqil ilmiy muassasa tashkil etildi: Fanlar akademiyasining Botanika instituti va Fanlar akademiyasining Zoologiya instituti. Qaror bilan ularning tuzilmalari, asosiy vazifalari va faoliyatining yoʻnalishlari tasdiqlandi (quyidagi jadvalga qarang).
|
Asosiy vazifalari va faoliyatining yoʻnalishlari
|
|
|
Fanlar akademiyasining Botanika instituti |
Fanlar akademiyasining Zoologiya instituti |
|
respublika florasini kompleks oʻrganish, oʻsimlik resurslarini aniqlash va ulardan oqilona foydalanish, alohida ahamiyatga ega boʻlgan botanik hududlarni aniqlash, oʻsimlik dunyosining kamyob va endem turlarini saqlab qolishning ilmiy asoslarini ishlab chiqish
|
respublika faunasini kompleks oʻrganish, hayvonot dunyosi ob’yektlarining zamonaviy holatini baholash va ulardan oqilona foydalanish boʻyicha ilmiy-amaliy tavsiyalar ishlab chiqish |
|
respublika florasining milliy axborot-tahliliy ma’lumotlar bazasini ishlab chiqish va yuritish, yovvoyi oʻsimliklarning kamyob va yoʻqolish xavfi ostida boʻlgan turlari boʻyicha davlat kadastri, Oʻzbekiston Respublikasi Qizil kitobi va oʻsimlik dunyosi monitoringini yuritish
|
alohida ahamiyatga ega boʻlgan zoologik hududlarni aniqlash, hayvonot dunyosining kamyob va endem turlarini saqlashning ilmiy asoslarini ishlab chiqish |
|
istiqbolli va iqtisodiy ahamiyatiga ega boʻlgan oʻsimlik turlarini introduksiyalashtirish va iqlimlashtirishning nazariy asoslarini ishlab chiqish, kamyob oʻsimliklarning genetik ma’lumotlar bankini yaratish |
respublika faunasining milliy axborot-tahliliy ma’lumotlar bazasini ishlab chiqish va yuritish, yovvoyi hayvonlarning kamyob va yoʻqolib ketish xavfi ostida turgan turlari boʻyicha davlat kadastri, Oʻzbekiston Respublikasi Qizil kitobi va hayvonot dunyosi monitoringini yuritish
|
|
choʻllanish jarayonida oʻsimlik qoplami evolyutsiyasi va iqlim dinamikasini oʻrganish hamda amaliy tavsiyalar ishlab chiqish |
zararkunandalar, parazitlar va inshootlar biozararkunandalari sonini nazorat qilishning innovatsion texnologiyalarini ishlab chiqish
|
|
suv ekotizimlari va gidrobiontlar ekologiyasini oʻrganish, respublikada baliq resurslari genofondini baholash va monitoring qilish
|
|
Bundan tashqari, Fanlar akademiyasi Genetika va oʻsimliklar eksperimental biologiyasi institutining «Gʻoʻza sistematikasi va introduksiyasi» laboratoriyasi, «Gʻoʻza genofondi» noyob ob’yekti va issiqxona kompleksi Botanika instituti tasarrufiga oʻtkazilmoqda.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» axborot-qidiruv tizimida tanishish mumkin.
Oleg Zamanov,
ekspertimiz.
