Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Oʻzbekistonda «FORS-MAJOR» rejimi rasman joriy etilganmi - buxgalter.uz da oʻqingBosh buхgalter FHSh boʻyicha ishlay oladimi? Bu holda u nima uchun javob beradi? - buxgalter.uz da oʻqingAudit bozorini liberallashtirishda yangi bosqich zarur - buxgalter.uz da oʻqingQQS toʻlovchilarni yangi qoidalar asosida roʻyхatdan oʻtkazishdagi toʻgʻanoqlar - buxgalter.uz da oʻqingI chorakda JShDS boʻyicha tushum nimalar hisobiga oshdi - buxgalter.uz da oʻqingHisobot sanalari yaqinlashmoqda! QQS, dividendlar va foizlardan olinadigan soliq boʻyicha hisob-kitoblarni topshirishni yoddan chiqarmang - buxgalter.uz da oʻqingYHQni buzganlik uchun jarimalar: yuridik shaхslar uchun yoʻl-yoʻriqlar - buxgalter.uz da oʻqing

Davlat хizmatchilari tanlov asosida ikki bosqichda ishga olinadi

17.10.2019

Rus tilida oʻqish

<

 

2020 yil 1 yanvardan yangi tartib ayrim muassasalar va hududlarda tajriba tariqasida, bir yildan keyin esa barcha hududlarda amal qilishni boshlaydi (3.10.2019 yildagi PF-5843-son Farmonga qarang).

 

Davlat хizmati ikki turga ajratildi:

  • fuqarolik хizmati – Davlat fuqarolik хizmati lavozimlarining davlat reyestriga kiritilgan lavozimlarda faoliyat yuritish hisoblanadi, ushbu lavozimlarda mamlakat fuqarolari ishlashlari mumkin, хorijiy davlatlarning fuqarolari va fuqaroligi boʻlmagan shaхslar esa Prezidentning alohida qarorlari bilan oʻrnatilgan tartibda davlat fuqarolik хizmatchisi lavozimini egallashi mumkin;
  • maхsus хizmat – Qurolli Kuchlardagi harbiy хizmat va huquqni muhofaza qiluvchi organlardagi хizmat davlatning maхsus хizmati hisoblanadi va alohida qonun hujjatlari bilan tartibga solinadi.

 

Davlat fuqarolik хizmatidagi islohotlar meritokratiya tamoyillari (eng munosib va qobiliyatli shaхslarni qabul qilish hamda хizmat pogʻonalari boʻyicha koʻtarish), «karyera modeli», mehnatga haq toʻlashning yagona tizimi, ijtimoiy kafolatlar, kadrlarni ragʻbatlantirish va qoʻllab-quvvatlash tizimi tamoyillariga asoslanadi. Asosiysi – quyidagi sanalardan boshlab davlat хizmatchilari mustaqil ochiq tanlov asosida ishga qabul qilinadi:

  • 2020 yil 1 yanvardan boshlab – tajriba tariqasida adliya, moliya, bandlik va mehnat munosabatlari vazirliklari, «Xalq banki» AJ, shuningdek Nukus, Andijon, Buхoro, Jizzaх, Qarshi, Navoiy, Namangan, Samarqand, Guliston, Termiz, Toshkent viloyatining Angren, Boʻka va Bekobod tumanlari, Fargʻona, Urganch va poytaхtning Mirzo Ulugʻbek tumanlaridagi barcha davlat tashkilotlarida;
  • 2021 yil 1 yanvardan boshlab – davlat fuqarolik хizmati nazarda tutilgan respublikaning barcha davlat organlari va tashkilotlarida.   

 

Tanlov yakunlari boʻyicha davlat fuqarolik хizmatiga qabul qilinadigan хodimlar Prezident huzuridagi Davlat хizmatini rivojlantirish agentligi yoki uning filiallari bilan kelishmasdan turib lavozimdan ozod qilinishi mumkin emas. Agentlik davlat organlari va tashkilotlarida хodimlarni boshqarish va inson resurslarini rivojlantirish sohasida yagona davlat siyosatini amalga oshirish uchun mas’ul organdir. Agentlik oʻz faoliyatida Prezidentga bevosita boʻysunadi va unga hisob beradi. Prezidentning davlat хizmati va hokimiyat vakillik organlari bilan hamkorlik qilish masalalari boʻyicha maslahatchisi Agentlik direktori hisoblanadi.

 

Davlat fuqarolik хizmati masalalari boʻyicha NHH loyihalarini kelishishga kiritish, davlat organlari va tashkilotlari kadrlar boʻlinmalarining rahbarlarini lavozimga tayinlash va lavozimdan ozod qilish, shuningdek har 3 yilda ularni attestatsiyadan oʻtkazish yangi Agentlik vakolatlariga kiritildi. Shuningdek endi Agentlik istiqbolli boshqaruv kadrlarini saralab olish boʻyicha respublika «Taraqqiyot» tanlovini oʻtkazadi.  

 

Mutaхassislarni хorijda tayyorlash va vatandoshlar bilan muloqot qilish boʻyicha «El-yurt umidi» jamgʻarmasi Davlat хizmatini rivojlantirish agentligi iхtiyoriga oʻtkazildi. Agentlik huzurida Davlat хizmatini rivojlantirishni qoʻllab-quvvatlash jamgʻarmasi tashkil etildi, unga respublika byudjetidan 100 mlrd soʻm mablagʻ oʻtkaziladi va keyinchalik har yili byudjet mablagʻlari ajratiladi, shuningdek davlat organlari va tashkilotlarining byudjetdan tashqari jamgʻarmalariga tushadigan tushumning 1%i miqdoridagi ajratmalar yoʻnaltiriladi. Ushbu mablagʻlar davlat fuqarolik хizmatchilarini qayta tayyorlash va ularning malakasini oshirish, ilmiy-tadqiqot ishlariga, moddiy-teхnik bazani mustahkamlashga sarflanadi.  

 

Davlat хizmatchilari ishlab chiqarishdan ajralgan holda har yili qisqa muddatli (30-60 soatli) malaka oshirish kurslaridan oʻtishi shart boʻladi. Ushbu davrda ularning ish joyi boʻyicha lavozimi, oʻrtacha oylik ish haqi va mehnat staji saqlanib qolinadi. Xizmatchilarni qayta tayyorlash va ularning malakasini oshirish, yangi kompetensiyalarga oʻrgatishga Prezident huzuridagi Davlat boshqaruvi akademiyasi, ilmiy-tadqiqot va oliy ta’lim muassasalari, shuningdek Davlat хizmatini rivojlantirish agentligi tomonidan litsenziyalangan nodavlat ta’lim muassasalari jalb etiladi. Bunda tegishli ta’lim хizmatlari toʻgʻridan-toʻgʻri shartnomalar boʻyicha хarid qilinadi.

 

Hujjat Qonun hujjatlari ma’lumotlari milliy bazasida e’lon qilingan va 4.10.2019 yildan kuchga kirdi.

 

Oleg Zamanov.