Vazirlar Mahkamasining 21.12.2022 yildagi “Yaratilgan yangi ish oʻrinlarini hisobga olish tartibi toʻgʻrisidagi nizomni tasdiqlash haqida”gi 717-son qarori imzolandi.
Nizomga asosan tadbirkorlik bilan shugʻullanuvchi yuridik shaхslar tomonidan, yakka tartibdagi tadbirkorlar, oʻzini oʻzi band qilgan fuqarolar, dehqon хoʻjaliklari hisobidan yaratilgan yangi ish oʻrinlarini hisobga olish tartibi belgilanmoqda.
Yaratilgan yangi ish oʻrinlari Davlat soliq qoʻmitasining avtomatlashtirilgan tizimi orqali hisobga olinadi.
Fermer хoʻjaliklari,klasterlar, turizm, ipak qurtini koʻpaytirish va qurilish faoliyatini amalga oshiruvchi yuridik shaхslardagi mavsumiy ish joylari ham ish oʻrni hisoblanadi.
Yaratilgan yangi ish oʻrinlari boʻyicha ma’lumotlar hisobot davri yakuni bilan soliq hisobotlarini taqdim etishdan soʻng 5 kunda avtomatlashtirilgan dasturda shakllantiriladi.
Hujjat Qonunchilik ma’lumotlari milliy bazasida e’lon qilingan va 23.12.2022 yildan kuchga kirdi.
Sobir Nurberdiyev.
