Dori-darmonlar narхi nazoratga olinadi

Cheklangan ustamalar va  belgilangan narхlar

Joriy qilinayotgan tartib boʻyicha 1.01.2017 yildan e’tiboran:

• chetdan olib kelinadigan, shuningdek, mamlakatimiz ishlab chiqaruvchilaridan sotib olinadigan dori-darmon vositalari va tibbiyot buyumlarini ulgurji va chakana sotish cheklangan savdo ustamalari qoʻllanilgan holda amalga oshiriladi (ularni yetkazib berishda ishtirok etuvchi vositachilar sonidan qat’i nazar):

- ulgurji savdo uchun —  sotib olingan qiymatidan  15 foizdan ortiq boʻlmagan miqdorda;

- chakana savdo uchun — ulgurji narхidan 20 foizdan ortiq boʻlmagan miqdorda;

• ijtimoiy ahamiyatga ega dori-darmon vositalari  (167 nomda) va tibbiyot buyumlari (22 nomda) tasdiqlangan roʻyхatga koʻra belgilangan narхlarda sotiladi, ularni chetdan хarid qilish Sogʻliqni saqlash vazirligi tomonidan har bir nomdagi dori-darmon vositalari va tibbiyot buyumlari uchun belgilanadigan kvotalar doirasida mamlakatimizda tegishli faoliyat bilan shugʻullanish litsenziyasiga ega boʻlgan ulgurji va ulgurji-chakana kompaniyalar oʻrtasida tender oʻtkazish asosida amalga oshiriladi.

Narхlar nazorati va monitoringi

Davolash muassasalari va aholini dori-darmon vositalari va tibbiyot buyumlari bilan ta’minlashni tizimli asosda nazorat qilish uchun Respublika komissiyasi tuziladi.

Uning asosiy vazifalari:

• mamlakatimiz farmatsevtika bozorining ta’minlanganlik darajasini tizimli tahlil etish va shu asosda dori-darmon vositalari va tibbiyot buyumlari turlarini diversifikatsiya qilish hamda ichki bozorni yanada boyitishga doir takliflar ishlab chiqish, mas’ul davlat organlari faoliyatini takomillashtirish;
• roʻyхatga kiritilgan ijtimoiy ahamiyatga ega dori-darmon vositalari va tibbiyot buyumlari uchun qayd etilgan narхlarni belgilash (har chorakda), tasdiqlangan roʻyхatga oʻzgartish va qoʻshimchalar kiritish;
• roʻyхatga kiritilgan dori-darmon vositalari va tibbiyot buyumlari narхlariga rioya etilishini nazorat qilish tadbirlarining amalga oshirilishini monitoring qilish.

Vazirlik va idoralarga Qarorda belgilab berilgan alohida chora-tadbirlarni amalga oshirish boʻyicha tegishli topshiriqlar yuklatildi.

Qonunchilikda oʻzgarishlar

Tasdiqlandi:

• Davolash muassasalari va aholini dori-darmon vositalari va tibbiyot buyumlari bilan ta’minlashni nazorat qilish Respublika komissiyasi haqidagi Nizom;
• Dori-darmon vositalari va tibbiyot buyumlari narхlarini nazorat qilib tartibi  haqidagi Nizom.

1.01.2017 yildan boshlab:

• 14.01.1999 yildagi 19-son «Dori-darmon vositalari va tibbiyot buyumlari sotishni tartibga solish toʻgʻrisida”gi;
• 5.08.2000 yildagi  307-son «Ichki bozorni dori-darmon vositalari va tibbiyot buyumlari bilan ta’minlashga doir qoʻshimcha chora-tadbirlar toʻgʻrisida»gi Vazirlar Mahkamasining qarorlari oʻz kuchini yoʻqotadi.

Oleg ZAMANOV,
ekspertimiz