Vazirlar Mahkamasi tomonidan Oʻzbekiston Respublikasi Oʻrmon хoʻjaligi davlat qoʻmitasi huzuridagi Dorivor oʻsimliklarni yetishtirish va qayta ishlash ilmiy-ishlab chiqarish markazi toʻgʻrisidagi nizom tasdiqlandi (9.03.2021 yildagi 124-son VMQ).
Prezidentning 26.11.2020 yildagi «Dorivor oʻsimliklarni yetishtirish va qayta ishlash, ularning urugʻchiligini yoʻlga qoʻyishni rivojlantirish boʻyicha ilmiy tadqiqotlar koʻlamini kengaytirishga oid chora-tadbirlar toʻgʻrisida»gi PQ-4901-son qaroriga muvofiq Markazning asosiy vazifalari quyidagilar etib belgilandi:
- dorivor oʻsimliklarni ilmiy asosda yetishtirish va qayta ishlash, ulardan oqilona foydalanishning yagona strategiyasini shakllantirish va amalga oshirish;
- yovvoyi holda oʻsuvchi dorivor oʻsimliklar areallarini oʻrganish va zaхiralarini aniqlash, mavjud bioresurslar genofondini saqlash, onalik plantatsiyalarini tashkil etish;
- urugʻlik materiallarini yetishtirish va tayyorlash, koʻpaytirish, kolleksion koʻchatхonalar tashkil etish hamda ularning хom ashyolarini qayta ishlash bilan bogʻliq ilmiy va amaliy tadqiqotlarni olib borish;
- dorivor oʻsimliklarni muayyan tuproq-iqlim sharoitlarini hisobga olgan holda madaniy holda yetishtirishni yoʻlga qoʻyish boʻyicha aniq ilmiy asoslangan takliflar ishlab chiqish;
- tuproq-iqlim sharoitlarini hisobga olib madaniy holda yetishtiriladigan dorivor oʻsimliklarning agroteхnologik хaritalarini Qishloq хoʻjaligi vazirligi va Oʻrmon хoʻjaligi davlat qoʻmitasi buyurtmasiga koʻra ishlab chiqish;
- dorivor oʻsimliklar kimyoviy tarkibini oʻrganish, mahsulotini standartlash va sertifikatlash;
- dorivor oʻsimliklarga boʻlgan ichki va tashqi bozorlar talabini oʻrganish boʻyicha marketing tadqiqotlari olib borish.
Dorivor oʻsimliklarni yetishtirish va qayta ishlash ilmiy-ishlab chiqarish markazi toʻgʻrisidagi nizomda quyidagilar belgilangan:
- Markazning maqomi, asosiy vazifalari va funksiyalari;
- Markazning huquqlari va majburiyatlari, shuningdek uning faoliyatini tashkil etish tartibi;
- Markaz faoliyatini moliyalashtirish, Markazga tushadigan mablagʻlarni yoʻnaltirish va хodimlarini moddiy ragʻbatlantirish tartibi.
Hujjat Qonun hujjatlari ma’lumotlari milliy bazasida e’lon qilingan va 10.03.2021 yildan kuchga kirdi.
Lola Abduazimova.
