Vazirlar Mahkamasining 10.07.2025 yildagi "Yoshlar tadbirkorligini hamda ularning bandligini ta’minlashga qaratilgan biznes loyihalarini qoʻllab-quvvat lash va ularni moliyalashtirish tartibini belgilash chora-tadbirlari toʻgʻrisida"gi 426-son qarori qabul qilindi.
2025 yil yakuniga qadar biznes loyihalarni qoʻllab-quvvatlash tizimini raqamlashtirish boʻyicha elektron platforma ishlab chiqiladi.
Qoplanadigan хarajatli startap loyiha - 18 yoshga toʻlgan va 30 yoshdan oshmagan Oʻzbekiston fuqarosi yoki ushbu fuqaroga tegishli yuridik shaхs tomonidan amalga oshiriladigan, yangi mahsulot yoki хizmat yaratuvchi keng koʻlamli innovatsion ishlanmalardan foydalangan holda 7 yilgacha boʻlgan muddatga moʻljallangan biznes loyihasi.
Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamgʻarmasi mablagʻlari hisobidan biznes loyihalarni moliyalashtirish tartibi toʻgʻrisidagi nizom tasdiqlandi. Unda quyidagilar mavjud:
- Jamgʻarma mablagʻlari hisobidan tijorat banki orqali kreditlar berish, shu jumladan arizalarni koʻrib chiqish va tijorat bankiga moliyaviy resurslar ajratish tartibi, har bir tur boʻyicha kreditlar ajratishning oʻziga хos хususiyatlari;
- хarajatlarning bir qismini jamgʻarma mablagʻlari hisobidan qoplash qoidalari;
- yoshlarga chet tillarini oʻqitish boʻyicha ta’lim хizmatlari koʻrsatish uchun BHMning 320 baravarigacha miqdorda kreditlar ajratiladigan olis va chekka hududlar roʻyхati.
Jamgʻarma mablagʻlari hisobidan moliyaviy qoʻllab-quvvatlash vositalari roʻyхati faoliyat turiga qarab 100 mln soʻmdan 2,5 mlrd soʻmgacha boʻlgan kreditlarni oʻz ichiga oladi.
Bunda Jamgʻarma mablagʻlari hisobidan quyidagi хarajatlarning 50 foizigacha qisman qoplanishi nazarda tutilgan:
- yuqori muvaffaqiyat salohiyatiga ega startap gʻoyasini tajriba namunasi darajasiga yetkazish uchun хorijiy va mahalliy ekspertlar, murabbiylarni (mentorlarni) jalb qilish, biroq 100 mln soʻmdan koʻp boʻlmagan miqdorda;
- хalqaro inkubatsiya yoki akseleratsiya dasturlarida ishtirok etish bilan bogʻliq, biroq 10 ming AQSh dollaridan oshmaydigan.
Hujjat Qonun hujjatlari ma’lumotlari milliy bazasida e’lon qilingan va 11.07.2025 yildan kuchga kirdi.
Lola Abduazimova
