Prezidentning 4.01.2018 yildagi PQ-3458-son qarori bilan Oʻzbekiston Respublikasi va Yevropa investitsiya banki oʻrtasida Oʻzbekiston hududida YeIBning faoliyat olib borishi toʻgʻrisidagi Hadli bitim imzolandi.
Mazkur хalqaro shartnoma 2017 yilning 13 oktyabrida Vashington (AQSh) shahrida imzolangan va YeIBning Oʻzbekistondagi faoliyatining, shu jumladan, moliyalashtirish va teхnik yordam taqdim etishning huquqiy asoslarini belgilab beradi. Investitsiyalar boʻyicha davlat qoʻmitasi YeIB bilan oʻzaro hamkorlik qilish va bitimni amalga oshirishda mas’ul organ etib tayinlandi.
Ma’lumot uchun: Yevropa investitsiya banki 1958 yilda tashkil etilgan. Uning ustav kapitali ishtirokchi mamlakatlarning badallari hisobiga shakllantiriladi va 232 mlrd yevroni tashkil etadi. Oʻzbekiston – Qozogʻiston, Qirgʻiziston va Tojikiston bilan bir qatorda YeIB bilan hamkorlik qiluvchi toʻrtinchi davlat hisoblanadi.
Hujjat Qonun hujjatlari ma’lumotlari milliy bazasida rasman e’lon qilingan va 4.01.2018 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov.