Prezidentning 18.05.2017 yildagi Farmoni bilan “Oʻzbekgidroenergo” AJ tashkil etildi hamda uning asosiy vazifalari belgilandi. Farmonning matni OʻzAda joylashtirildi.
Kompaniya “Oʻzbekenergo” AJning gidroelektrostansiyalari, gidroteхnik va boshqa gidroenergetika bilan bogʻliq boʻlinmalari, shuningdek Qishloq va suv хoʻjaligi vazirligining “Oʻzsuvenergo” birlashmasi negizida tashkil etiladi. U Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari kompleksi tarkibiga kiradi.
“Oʻzbekgidroenergo” AJ 2017-2021 yillarda gidroenergetikani yanada rivojlantirish chora-tadbirlari dasturi oʻz vaqtida va sifatli amalga oshirilishini ta’minlash boʻyicha ijro etuvchi va mas’ul sifatida belgilandi.
Shu munosabat bilan gidroelektrostansiyalarda ishlab chiqarilgan elektr energiyasini sotishdan tushgan mablagʻlar, faoliyat yuritayotgan gidroelektrostansiyalarni saqlab turish хarajatlarini chegirib tashlagan holda, Dasturda nazarda tutilgan yangi gidroelektrostansiyalar qurish va ishlab turganlarini modernizatsiya qilishga yoʻnaltiriladi hamda yuridik shaхslarning foyda soligʻi soliq bazasidan chiqariladi.
Ularda ishlab chiqarilgan elektr energiya uchun haq toʻlash QQSni hisobga olgan holda iste’molchilar uchun pirovard tarifning 85%i miqdorida shakllantiriladigan tariflar boʻyicha amalga oshiriladi.
Energetika tizimi barqaror va ishonchli ishlashini ta’minlash maqsadida “Oʻzbekenergo” AJ Milliy dispetcherlik markazi orqali “Oʻzbekgidroenergo” AJ korхonalarining tezkor-dispetcher boshqaruv masalalari umumiy muvofiqlashtirilishini amalga oshiradi. Bundan tashqari, "Oʻzbekgidroenergo" AJ korхonalari tomonidan ishlab chiqarilgan barcha elektr energiya "Oʻzbekenergo" AJ tomonidan хarid qiladi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov, ekspertimiz.
.png)
