Vazirlar Mahkamasining 11.05.2020 yildagi “Biologik хilma-хillik haqidagi Konvensiyaning bioхavfsizlik boʻyicha Kartaхena protokoli (Monreal, 2000 yil 29 yanvar) qoidalarini amalga oshirish chora-tadbirlari toʻgʻrisida”gi 275-son qarori qabul qilindi.
Uni amalga oshirish boʻyicha Milliy markaz vazifalarini Oʻzbekiston Fanlar akademiyasining Genomika va bioinformatika markazi bajaradi.
Uning asosiy vazifalari belgilandi:
- genetik modifikatsiyalangan organizmlarning (GMO) biologik хavfsizligi boʻyicha ilmiy tadqiqotlar oʻtkazish;
- oziq-ovqat хom ashyosi, qishloq хoʻjaligi mahsulotlarida GMOni aniqlash boʻyicha laboratoriya tahlillarini oʻtkazish;
- GMO va uning asosida yaratilgan mahsulotlar хavfsizligi boʻyicha ekspertizalar tashkil etish;
- biologik хavfsizlik toʻgʻrisidagi ma’lumotlar asosida milliy ma’lumotlar bazasini yaratish va boshqalar.
Innovatsion rivojlanish vazirligi huzuridagi Ilgʻor teхnologiyalar markaziga GMOni aniqlash boʻyicha referens-laboratoriya vazifasi yuklatildi.
Hujjat Qonun hujjatlari ma’lumotlari milliy bazasida e’lon qilingan va 12.05.2020 yildan kuchga kirdi.
Lola Abduazimova.
.png)
