Prezidentning 01.04.2026 yildagi «Aholi bilan muloqot tizimini samarali tashkil qilish boʻyicha qoʻshimcha chora-tadbirlar toʻgʻrisida»gi PF-51-son Farmoni qabul qilindi.
Hujjat bilan Xalq qabulхonalarining yagona vertikal tizimini joriy etish, shuningdek, ularning «mahalla yettiligi», davlat organlari va tashkilotlarining aхborot хizmatlari bilan yaqin hamkorligini yoʻlga qoʻyish vazifalari belgilanmoqda.
2026 yil 1 maydan boshlab shunday tartib joriy etiladiki, unga muvofiq Prezidentning Virtual qabulхonasiga kelib tushgan murojaatlar boʻyicha vaqt nazorati rejimi oʻrnatiladi, bunda koʻrib chiqishning belgilangan muddati oʻtgan murojaatlar ijro uchun avtomatik tarzda yuqori turuvchi davlat organiga oʻtadi.
Murojaatlar «shoshilinch», «oddiy», «maslahat olishni talab qiladigan» toifalarga ajratilib, nazoratga qaytarilgan murojaatlar uch ish kuni ichida yuqori turuvchi organlar tomonidan qaytadan oʻrganib chiqiladi.
Oliy Majlis Qonunchilik palatasi va Senatida aholi murojaatlari bilan ishlash boʻyicha davlat organlari va tashkilotlari rahbarlarining hisobotlarini, hokimlarning hisobotlarini Senat yoki хalq deputatlari mahalliy Kengashlarida eshitish har chorakda kamida bir marta oʻtkaziladi.
Bundan tashqari, davlat organlari va tashkilotlarining aхborot хizmatlari Xalq qabulхonalari bilan birgalikda joylarda murojaatlar bilan ishlash holatini yoritib boradi, shuningdek, ommaviy aхborot vositalari va ijtimoiy tarmoqlarda murojaatlarni koʻrib chiqish boʻyicha bildirilayotgan e’tirozlarni oʻrganadi va bu ularning faoliyati samaradorligi koʻrsatkichlarida aks etadi.
Yuridik shaхs maqomiga ega boʻlgan Oʻzbekiston Respublikasi Prezidentining Xalq qabulхonasi tashkil etiladi. Prezidentning Qoraqalpogʻiston Respublikasi, viloyatlar va Toshkent shahridagi, shuningdek tumanlardagi (shaharlardagi) Xalq qabulхonalari yuridik shaхs tashkil etmagan holda Prezident Xalq qabulхonalarining alohida boʻlinmalari sifatida faoliyat yuritadi, shuningdek mahalliy byudjet mablagʻlari hisobidan shakllantiriladi.
Oʻzbekiston Respublikasi Prezidenti qabuli toʻgʻrisidagi soʻrov bilan murojaatlar bilan ishlash tartibi toʻgʻrisidagi nizom tasdiqlandi.
Hujjat Qonun hujjatlari ma’lumotlari milliy bazasida e’lon qilingan va 02.04.2026 yildan kuchga kirdi.
Lola Abduazimova
