Bu Prezidentning 2020 yil 28 sentyabrdagi qarorida nazarda tutilgan.
2022 yildan boshlab har 2 yilda 1 marotaba 25–30 aprel kunlari Xiva shahrida «Lazgi» хalqaro raqs festivali hamda uning doirasida хalqaro ilmiy-amaliy konferensiya oʻtkaziladi.
Ma’lumot uchun: Xorazm «Lazgi» raqsi Oʻzbekiston madaniy merosi sifatida insoniyatning nomoddiy madaniy merosi roʻyхatiga kiritilgan. Qaror 12 dekabrda Bogotada (Kolumbiya) oʻtkazilgan YuNESKO Nomoddiy madaniy merosni saqlash hukumatlararo qoʻmitasining 14-sessiyasida qabul qilingan.
Xorazm viloyati hokimligi va Madaniyat vazirligi festivalni tashkil etish va oʻtkazish boʻyicha mas’ul organlar etib belgilandi.
Festival doirasida «Ichan-qal’a» majmuasi hududida raqs san’atiga oid koʻrgazmalar, milliy sozlar va liboslar, hunarmandchilik buyumlari, tasviriy va amaliy san’at asarlari, haykaltaroshlik namunalari, badiiy va hujjatli filmlar, audio- va videodisklar, kitoblar, albomlar, fotosuratlar, shuningdek ularning savdosi tashkil etiladi.
Hujjat bilan quyidagilar tasdiqlandi:
- festivalga tayyorgarlik koʻrish va uni oʻtkazish boʻyicha tashkiliy qoʻmita tarkibi;
- «Lazgi» хalqaro raqs festivalini oʻtkazish tartibi toʻgʻrisidagi nizom.
Elmira Siraziyeva.
