Xorijiy investitsiyalar ishtirokidagi korхonalarni roʻyхatdan oʻtkazganlik uchun yangi davlat boji stavkalari rejalashtirilganidan koʻra koʻproq kamaytirildi (VMning 27.11.2018 yildagi 963-son qarori).
Eslatib oʻtamiz, ilgari Adliya vazirligi, Iqtisodiyot vazirligi va Davlat raqobat qoʻmitasining chet el investitsiyalari ishtirokidagi korхonalarni davlat roʻyхatidan oʻtkazish uchun davlat boji miqdorini 3 baravarga kamaytirish haqidagi taklifi ma’qullangan edi (Prezidentning 1.08.2018 yildagi PF–5495-son Farmoni 6-bandiga qarang).
Qabul qilingan hujjat bilan mazkur taklif qonunchilikka uzil-kesil tatbiq etildi. Davlat boji miqdori rejalashtirilganidan koʻra koʻproq, 32 EKIHdan 10 EKIHgacha yoki 3,2 baravarga kamaytirildi. Ilgarigidek, onlayn roʻyхatdan oʻtganda stavka ikki baravar kamaytiriladi va atigi 5 EKIHni tashkil etadi.
Hujjat Qonun hujjatlari ma’lumotlari milliy bazasida e’lon qilingan va 28.11.2018 yildan kuchga kirdi.
Samir Latipov.
