Prezident tomonidan 07.03.2024 yildagi PQ-122-sonli “Xotin-qizlarning tadbirkorligini yoʻlga qoʻyish va rivojlantirishni qoʻllab-quvvatlashga oid qoʻshimcha chora-tadbirlar toʻgʻrisida”gi Qarori imzolandi.
Xotin-qizlarni kasbga oʻqitish va bandligini ta’minlash, ularni tadbirkorlikka keng jalb etish uchun Tiklanish va taraqqiyot jamgʻarmasi hisobidan 2 yillik imtiyozli davr bilan 5 yil muddatga yillik 14% stavkada jami 100 mln AQSh dollari ekvivalentida kredit resurslari ajratiladi, bunda:
- "Xalq banki"ga 35 mln AQSh dollari;
- "Biznesni rivojlantirish banki"ga 35 mln AQSh dollari;
- "Mikrokreditbank"ga 30 mln AQSh dollari ajratiladi.
Savdo-sanoat palatasi va uchta bankda quyidagilarni nazarda tutuvchi хotin-qizlar tadbirkorligini qoʻllab- quvvatlash tizimi yaratiladi:
- tashabbuskor хotin-qizlarning biznes loyihalarini ishlab chiqishga koʻmaklashish;
- mahallalarda хotin-qizlarni tadbirkorlikka oʻqitish;
- хotin-qizlar tomonidan tayyorlangan mahsulotlarni sotish;
- kooperatsiya asosida loyihalarni amalga oshirishga koʻmaklashish;
- loyihalar amalga oshirilishini kuzatib borish va ayol tadbirkorlar bilan doimiy muloqot qilish.
Shuningdek, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan хotin-qizlarni qoʻllab-quvvatlash Dasturi ishlab chiqiladi.
Kredit ajratishda ustuvorlik "Ijtimoiy himoya yagona reyestri" aхborot tizimiga, "Ayollar daftari", "Yoshlar daftari" va "Temir daftar"ga kiritilgan хotin-qizlar tomonidan amalga oshirish taklif etilayotgan loyihalarga beriladi.
Hujjat Qonun hujjatlari ma’lumotlari milliy bazasida e’lon qilingan va 09.03.2024 yildan kuchga kirdi.
Sobir Nurberdiyev