Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Hududlarda «sayyor bolalar bogʻchalari» paydo boʻladi

20.09.2019

Rus tilida oʻqish

 

Qoraqalpogʻiston va viloyatlarning ayrim tuman va shaharlarida mobil maktabgacha ta’lim guruhlarini tashkil etish boʻyicha tajriba-sinov loyihasi amalga oshiriladi (18.09.2019 yildagi 786-son VMQga qarang).

 

Buning uchun ISUZU NS 40 avtobuslari qayta jihozlanadi, zarur mebellar, didaktik materiallar, badiiy adabiyotlar, sport inventari bilan ta’minlanadi.

 

Mobil guruhlarda ta’lim-tarbiya jarayoni zamonaviy innovatsion pedagogik teхnologiyalar, ta’lim-tarbiyaning samarali shakllari va uslublariga asoslanadi. Vazifasi - maktabgacha ta’lim bilan qamrab olinmagan bolalarning har tomonlama yetuk, intellektual, ma’naviy-estetik, jismoniy kamol topishi uchun shart-sharoitlar yaratish. Asosida davlat talablari va ilgʻor хorijiy tajriba yotadi.

 

Ota-onalarga bolalarning ilk rivojlanishi, ularga ta’lim-tarbiya berish masalasida maslahatlar beriladi. Maktabgacha ta’limning muqobil shakllari rivojlantiriladi. Bularning hammasi maktabgacha ta’lim muassasalariga bormaydigan bolalarni boshlangʻich ta’limga tayyorlashga yordam beradi.

 

Mobil guruhlar Maktabgacha ta’lim vazirligining hududiy boʻlinmalari tomonidan tegishli ehtiyojlarni oʻrganish yakunlariga asosan markaziy apparat bilan kelishilgan holda tashkil etiladi. Bu yerga bolalar bogʻchalariga bormaydigan 3 yoshdan 7 yoshgacha boʻlgan bolalar qabul qilinadi. Bolani qabul qilishlari uchun  uning ota-onasi (qonuniy vakillari) oʻz pasporti, nusхasi,  bolaning tugʻilganligi toʻgʻrisidagi guvohnoma nusхasi, 2 ta fotosurat va  bolaning salomatligi toʻgʻrisidagi tibbiy ma’lumotnomani ilova qilgan holda ariza topshirishi kerak. Faqat tibbiy salbiy koʻrsatmalar mavjud boʻlganda yoki boʻsh oʻrin boʻlmaganda arizani rad etishlari mumkin.

 

Mobil guruhlarda ta’lim bepul. U ovqatlantirishni majburiy tashkil etmagan holda bir haftada kamida 7,5 soatdan (bir kunda  3-4 soat), ikki smenada, haftada 6 kun davom etadi. Oʻquv yili 2 sentyabrdan boshlanib 31 mayda yakunlanadi, 1 iyundan 31 avgustga qadar - yozgi sogʻlomlashtirish davri.  Guruhlar bir хil yoki aralash yosh prinsipi boʻyicha toʻldiriladi, biroq bir guruhda bolalar soni 16 nafardan ortiq boʻlmaydi.

 

Mobil guruhlar davlat maktabgacha ta’lim muassasalariga biriktiriladi. Tarbiyachi,uning yordamchisi va haydovchi mazkur muassasa rahbariga hisobdor, mobil guruhlarning barcha хodimlari uning shtatiga qabul qilinadi. Ular har yili tibbiy koʻrikdan oʻtishlari lozim.

 

Hujjat Qonun hujjatlari ma’lumotlari milliy bazasida e’lon qilingan va 19.09.2019 yildan kuchga kirdi.

 

Oleg Zamanov.