Markaziy bank Boshqaruvining qarori (roʻyхat raqami 2014-4, 14.09.2018 y.) bilan Banklarni roʻyхatga olish va ular faoliyatini litsenziyalash tartibi toʻgʻrisida nizomga oʻzgartirishlar kiritildi.
Ilgari bir aksiyador yoki oʻzaro bogʻliq aksiyadorlar guruhining bank ustav kapitalidagi ulushi (davlat ulushidan tashqari) ustav kapitali umumiy miqdorining 25%idan oshishi mumkin emas. Bu chet el kapitali ishtirokidagi banklar va хususiy banklarga tatbiq etilmas edi. Endi cheklov butunlay olib tashlandi.
Chet el kapitali ishtirokidagi banklarda chet ellik investorlarning ulushi kamida 30%ini tashkil qilishi kerak edi. Bu eng quyi pogʻona 15%gacha pasaytirildi.
Hujjat Qonun hujjatlari ma’lumotlari milliy bazasida e’lon qilingan va 15.09.2018 yildan kuchga kirdi.
Samir Latipov.
